കൊച്ചി: ആദിശങ്കര ജയന്തിയോടനുബന്ധിച്ച് ജന്മഭൂമിയും ചിന്മയ ഇന്റര്നാഷണല് ഫൗണ്ടേഷന് ശോധ് സംസ്ഥാനും സംയുക്തമായി സംഘടിപ്പിക്കുന്ന അന്താരാഷ്ട്ര സെമിനാര് ഇന്ന് പിറവം വെളിയനാട് ആദിശങ്കര നിലയത്തില് നടക്കും. രാവിലെ 9.30ന് ചിന്മയ ഇന്റര്നാഷണല് ഫൗണ്ടേഷന് ശോധ് സംസ്ഥാന് ചെയര്പേഴ്സണ് പ്രൊഫ. ഗൗരി മഹുലിക്കര് ഉദ്ഘാടനം ചെയ്യും. കാഞ്ഞിരപ്പള്ളി അമല്ജ്യോതി എന്ജിനീയറിങ് കോളജ് അസി. പ്രൊഫ. ആര്. ജയകൃഷ്ണന് ആമുഖ പ്രഭാഷണം നടത്തും. ജന്മഭൂമി ഡെപ്യൂട്ടി ജനറല് മാനേജര് കെ.എം. ശ്രീദാസ് സ്വാഗതം പറയും.
9.45ന് ആരംഭിക്കുന്ന അദ്വൈതം ദര്ശന ചിന്തനത്തില് സാമൂഹിക സമരസതയും ഭാരത സംസ്കാരവും എന്ന വിഷയത്തില് സെമിനാര് നടക്കും. പ്രൊഫ. ആര്. ജയകൃഷ്ണന് ആമുഖ പ്രഭാഷണം നടത്തും. ഓണക്കൂര് ഇന്സ്റ്റിറ്റ്യൂട്ട് ഓഫ് സയന്സ് ആന്ഡ് ടെക്നോളജി ചിന്മയ വിശ്വവിദ്യപീഠം അസി. പ്രൊഫ. ഡോ. കെ.ആര്.എന്. അശ്വിനി അധ്യക്ഷ പ്രഭാഷണം നടത്തും. തിരുവനന്തപുരം കാന്തലൂര്ശാല റിസര്ച്ച് ഇന്സ്റ്റിറ്റ്യൂട്ട് ചീഫ് ഡയറക്ടര് പ്രൊഫ. പി.സി. മുരളീമാധവന് പേപ്പര് അവതരിപ്പിക്കും. ആര്. സുധേഷ് നന്ദി പറയും.
11.45ന് ആഗോള തത്വചിന്തകളുമായുള്ള സൈദ്ധാന്തിക ഇടപെടല് എന്ന വിഷയത്തിലുള്ള സെമിനാറില് ചിന്മയ ഇന്റര്നാഷണല് ഫൗണ്ടഷന് ശോധ സന്സ്ഥാന് ഡയറക്ടര് ഡോ. പി.എന്. സുദര്ശനന് അധ്യക്ഷ പ്രസംഗം നടത്തും. കേരള സര്വകലാശാല സംസ്കൃത വിഭാഗം മേധാവി പ്രൊഫ. സി.എന്. വിജയകുമാരി പേപ്പര് അവതരണവുംകെ.കെ. മനോജ് നന്ദി പ്രകാശനവും നടത്തും.
ഉച്ചക്ക് 1.30ന് ലോകത്തിന്റെ സുസ്ഥിതിയും സംഘര്ഷവും-അദ്വൈത വ്യാഖ്യാനം എന്ന വിഷയത്തിലെ സെമിനാറില് ചേര്ത്തല എന്എസ്എസ് കോളജിലെ അസി. പ്രൊഫ. ഡോ. എന്.കെ. പ്രവീണ് അധ്യക്ഷനാകും. പന്തളം എന്എസ്എസ് കോളജ് സംസ്കൃത വിഭാഗം അസി. പ്രൊഫ. ഡോ. ആനന്ദരാജ്. ജി പേപ്പര് അവതരിപ്പിക്കും. ജന്മഭൂമി എഡിറ്റര് കെ.എന്.ആര്. നമ്പൂതിരി സമാപന പ്രസംഗവും ജന്മഭൂമി കൊച്ചി യൂണിറ്റ് മാര്ക്കറ്റിങ് മാനേജര് വി.കെ. സുരേന്ദ്രന് നന്ദിയും പറയും.
ഉച്ചതിരിഞ്ഞ് 3ന് സമാപന സമ്മേളനത്തില് ഗവര്ണര് രാജേന്ദ്ര വിശ്വനാഥ് ആര്ലേക്കര് മുഖ്യാതിഥിയായി പങ്കെടുക്കും. ലേഖന മത്സരത്തിലെ വിജയികള്ക്ക് സമ്മാനങ്ങള് വിതരണം ചെയ്യും. ചിന്മയ മിഷനിലെ ഡോ. ഡി.സി. റാവു എഴുതിയ അണ്ടര്സ്റ്റാന്ഡിങ് ഹിന്ദൂയിസം: കണ്സെപ്റ്റ്സ് ആന്ഡ് പ്രാക്ടീസ് എന്ന പുസ്തകം പ്രകാശനം ചെയ്യും. ജന്മഭൂമി മാനേജിങ് ഡയറക്ടര് എം. രാധാകൃഷ്ണന് അധ്യക്ഷത വഹിക്കും. പ്രൊഫ. ഗൗരി മഹുലിക്കര്, ചിന്മയ ഇന്റര്നാഷണല് ഫൗണ്ടേഷനിലെ ബ്രഹ്മചാരി വേദചൈതന്യ എന്നിവര് സംസാരിക്കും. ജന്മഭൂമി ജനറല് മാനേജര് കെ.ബി. ശ്രീകുമാര് സ്വാഗതം പറയും. ചിന്മയാ ഇന്റര്നാഷണല് ഫൗണ്ടേഷന് ശോധ് സംസ്ഥാന് മുഖ്യസേവക് രാജേഷ് പട്ടേല്, എഡിറ്റര് കെ.എന്.ആര്. നമ്പൂതിരി എന്നിവര് സംബന്ധിക്കും.
