കൊച്ചി: ആദിശങ്കര ജയന്തിയോടനുബന്ധിച്ച് ജന്മഭൂമിയും ചിന്മയ ഇന്റര്‍നാഷണല്‍ ഫൗണ്ടേഷന്‍ ശോധ് സംസ്ഥാനും സംയുക്തമായി സംഘടപ്പിക്കുന്ന അന്താരാഷ്‌ട്ര സെമിനാ
ര്‍ 20ന് പിറവം വെളിയനാട് ആദിശങ്കര ജന്മസ്ഥാന നിലയത്തില്‍ നടക്കും. സെമിനാറിന്റെ ഭാഗമായുള്ള ഒരുക്കങ്ങള്‍ ആദിശങ്കര ജന്മസ്ഥാനത്ത് പുരോഗമിക്കുകയാണ്. സെമിനാ
റിനോട് അനുബന്ധിച്ചുള്ള ഉപന്യാസ രചനാ മത്സരത്തിന്റെ അവസാന തീയതി 17 വരെ നീട്ടി.
20ന് രാവിലെ 9.30ന് ഗവര്‍ണര്‍ രാജേന്ദ്ര വിശ്വനാഥ് ആര്‍ലേക്കര്‍ സെമിനാര്‍ ഉദ്ഘാടനം ചെയ്യും. ജന്മഭൂമി മാനേജിങ് ഡയറക്ടര്‍ എം. രാധാകൃഷ്ണന്‍ അധ്യക്ഷനാകും. ജനറല്‍ മാനേജര്‍ കെ.ബി. ശ്രീകുമാര്‍ സ്വാഗതം ആശംസിക്കും. ചിന്മയ ഇന്റര്‍നാഷണല്‍ ഫൗണ്ടേഷനിലെ ബ്രഹ്‌മചാരി വേദ ചൈതന്യ അനുഗ്രഹ പ്രഭാഷണം നടത്തും. ചിന്മയാ ഇന്റര്‍നാഷണല്‍ ഫൗണ്ടേഷന്‍ ശോധ് സംസ്ഥാന്‍ ചെയര്‍പേഴ്‌സണ്‍ പ്രൊഫ. ഗൗരി മഹുലിക്കര്‍, ജന്മഭൂമി കൊച്ചി യൂണിറ്റ് മാനേജര്‍ എന്‍.എസ്. ബാബു എന്നിവര്‍ സംസാരിക്കും.
11.15ന് ആരംഭിക്കുന്ന അദ്വൈതം ദര്‍ശന ചിന്തനത്തില്‍ സാമൂഹിക സമരസതയും ഭാരത സംസ്‌കാരവും എന്ന വിഷയത്തില്‍ സെമിനാര്‍ നടക്കും.
കാഞ്ഞിരപ്പള്ളി അമല്‍ജ്യോതി കോളജ് ഓഫ് എന്‍ജിനീയറിങ് അസി. പ്രൊഫ. ആര്‍. ജയകൃഷ്ണന്‍ ആമുഖ പ്രഭാഷണം നടത്തും. ഓണക്കൂര്‍ ഇന്‍സ്റ്റിറ്റ്യൂട്ട് ഓഫ് സയന്‍സ് ആന്‍ഡ് ടെക്‌നോളജി, ചിന്മയ വിശ്വവിദ്യാപീഠം, അസി. പ്രൊഫ. ഡോ. കെ.ആര്‍.എന്‍. അശ്വിനി അധ്യക്ഷ പ്രഭാഷണം നടത്തും. തിരുവനന്തപുരം കാന്തല്ലൂര്‍ ശാല റിസര്‍ച്ച് ഇന്‍സ്റ്റിറ്റ്യൂട്ട് ചീഫ് ഡയറക്ടര്‍ പ്രൊഫ. പി.സി. മുരളീമാധവന്‍ പ്രബന്ധം അവതരിപ്പിക്കും. ആര്‍. സുധേഷ് നന്ദി പറയും.
ഉച്ചയ്‌ക്ക് 2ന് നടക്കുന്ന ആഗോള തത്വചിന്തകളുമായുള്ള സൈദ്ധാന്തിക ഇടപെടല്‍ എന്ന വിഷയത്തിലുള്ള സെമിനാറില്‍ ചിന്മയ ഇന്റര്‍നാഷണല്‍ ഫൗണ്ടേഷന്‍ ശോധ സന്‍സ്ഥാന്‍ ഡയറക്ടര്‍ ഡോ. പി.എന്‍. സുദര്‍ശനന്‍ അധ്യക്ഷ പ്രസംഗം നടത്തും. കേരള സര്‍വകലാശാല, കാര്യവട്ടം സംസ്‌കൃത വിഭാഗം മേധാവി പ്രൊഫ. സി.എന്‍. വിജയകുമാരി പ്രബന്ധാവതരണവും, കെ.കെ. മനോജ് നന്ദി പ്രകാശനവും നടത്തും.
ഉച്ചകഴിഞ്ഞ് 3.30ന് ആരംഭിക്കുന്ന ലോകത്തിന്റെ സുസ്ഥിതിയും സംഘര്‍ഷവും- അദ്വൈത വ്യാഖ്യാനം എന്ന വിഷയത്തിലെ സെമിനാറില്‍ ചേര്‍ത്തല എന്‍എസ്എസ് കോളജിലെ അസി. പ്രൊഫ ഡോ. എന്‍.കെ. പ്രവീണ്‍ അധ്യക്ഷനാകും. കേരള സര്‍വകലാശാല പന്തളം എന്‍എസ്എസ് കോളജ് സംസ്‌കൃത വിഭാഗം അസി. പ്രൊഫ. ഡോ. ആനന്ദരാജ് ജി. പ്രബന്ധം അവതരിപ്പിക്കും. ജന്മഭൂമി എഡിറ്റര്‍ കെ.എന്‍.ആര്‍. നമ്പൂതിരി സമാപന പ്രസംഗവും, ജന്മഭൂമി കൊച്ചി യൂണിറ്റ് അസി. മാര്‍ക്കറ്റിങ് മാനേജര്‍ വി.കെ. സുരേന്ദ്രന്‍ നന്ദിയും പറയും.
