ന്യൂദല്‍ഹി: ലെന്‍സ് കാര്‍ട്ട് കണ്ണട വിൽപ്പന ശാലയിൽ ജീവനക്കാരെ പൊട്ട് തൊടാന്‍ സമ്മതിക്കുന്നില്ലെന്ന പരാതി കഴിഞ്ഞ ദിവസമാണ് ഉയർന്നത് . ബുർഖ ധരിക്കാൻ അനുവദിക്കുന്ന ഷോറൂമുകൾ ഇത്തരത്തിൽ സിന്ദൂരം തൊടാൻ അനുവദിക്കാത്തതിനെതിരെ കടുത്ത വിമർശനം ഉയർന്നിരുന്നു.
ഇപ്പോഴിതാ ബജ്രറംഗദൾ പ്രവർത്തകർ ഷോറൂമിലെത്തി ജീവനക്കാരുടെ നെറ്റിയിൽ തിലകം ചാർത്തുന്നദൃശ്യങ്ങളാണ് പുറത്ത് വന്നിരിക്കുന്നത് .ഹിന്ദു സംഘടനാ പ്രവർത്തകർ ഷോറൂമിനുള്ളിൽ എത്തുന്നതും, പ്രതിഷേധസൂചകമായി സിന്ദൂരം ചാർത്തുന്നതും ദൃശ്യങ്ങളിൽ വ്യക്തമായി കാണാം .
അതിനു പിന്നാലെ ലെൻസ് കാർട്ട് അധികൃതർ മാപ്പ് പറഞ്ഞ് രംഗത്തെത്തിയിരുന്നു. “ഈ രേഖ ഞങ്ങളുടെ നിലവിലെ മാർഗ്ഗനിർദ്ദേശങ്ങളെ പ്രതിഫലിപ്പിക്കുന്നില്ലെന്ന് ഞാൻ നേരിട്ട് പറയാൻ ആഗ്രഹിക്കുന്നു. ബിണ്ടി, തിലകം എന്നിവയുൾപ്പെടെ ഒരു തരത്തിലുള്ള മതപരമായ ആവിഷ്കാരത്തിനും ഞങ്ങളുടെ നയത്തിന് നിയന്ത്രണങ്ങളൊന്നുമില്ല,” എന്നാണ് സ്ഥാപന മേധാവി ബൻസാൽ പറഞ്ഞത്.
