മലപ്പുറം:വിഷു പ്രമാണിച്ച് മയില്പീലി ചൂടിയ ശ്രീകൃഷ്ണ ഭഗവാന് മന്തി പ്ലേറ്റിന് മുന്നില് ഇരിക്കുന്ന ചിത്രം പ്രചരിപ്പിച്ച ഹോട്ടല് ഉടമകളെ അറസ്റ്റ് ചെയ്തു.അങ്ങാടിപ്പുറം തിരൂര്ക്കാട് പ്രവര്ത്തിക്കുന്ന ‘യമാമ ഷവായ’ ഹോട്ടല് ഉടമകളായ മൂന്ന് പേരെയാണ് പൊലീസ് പിടികൂടിയത്.പൂക്കോട്ടൂര് സ്വദേശി മുസ്തഫ, ഷാഹുല് ഹമീദ്, എറാംതോട് സ്വദേശി മുഹമ്മദ് ഷാഹില് എന്നിവരെയാണ് അറസ്റ്റ് ചെയ്തത്.
ഹോട്ടലിന്റെ ‘വിഷു മന്തി’ പ്രചരിപ്പിക്കാന് സോഷ്യല് മീഡിയയില് പങ്കുവെച്ച പരസ്യമാണ് വിവാദമായത്.പവിത്ര ദൈവ സങ്കല്പ്പത്തെ മാംസാഹാരവുമായി ബന്ധപ്പെടുത്തി ചിത്രീകരിച്ചത് വിശ്വാസികള്ക്കിടയില് വലിയ പ്രതിഷേധത്തിന് കാരണമായിട്ടുണ്ട്.മതവികാരം വ്രണപ്പെടുത്താനും സാമുദായിക ഐക്യം തകര്ക്കാനും ബോധപൂര്വമായ ശ്രമം നടന്നുവെന്ന പരാതിയുടെ അടിസ്ഥാനത്തിലാണ് മങ്കട പൊലീസ് കേസെടുത്തത്.
നേരത്തേ ചേര്ത്തലയില് സമാനമായ രീതിയില് ‘മെഹര് മന്തി’ എന്ന ഹോട്ടലിനെതിരെ ഉയര്ന്ന പ്രതിഷേധത്തിന് തൊട്ടുപിന്നാലെയാണ് മലപ്പുറത്തും സമാനമായ സംഭവം ഉണ്ടായത്.ഇത്തരത്തില് വര്ഗീയ വിദ്വേഷം പടര്ത്തുന്ന പോസ്റ്റുകള് പ്രചരിപ്പിക്കുന്നവര്ക്കെതിരെ കര്ശന നടപടി സ്വീകരിക്കുമെന്ന് അധികൃതര് മുന്നറിയിപ്പ് നല്കി.
