കണ്ണൂര്‍: പാപ്പിനിശേരിയില്‍ സുഹൃത്തിനെ തലക്കടിച്ച് വീഴ്‌ത്തിയ ശേഷം രക്ഷപ്പെടാനുളള ശ്രമത്തിനിടെ യുവാവ് ട്രെയിന്‍ തട്ടി മരിച്ചു.പാപ്പിനിശേരി സ്വദേശി ഷഫീഖാണ് (40)മരിച്ചത്. ചുറ്റിക കൊണ്ട് തലക്കടിയേറ്റ സുഹൃത്ത് പ്രശാന്തന്‍ ചികിത്സയിലാണ്. ശനിയാഴ്ച രാവിലെയാണ് സംഭവം.
അടുത്ത സുഹൃത്തുക്കളായിരുന്നു ഷെഫീക്കും പ്രശാന്തനും.വിദേശത്തായിരുന്ന ഷഫീഖ് അടുത്തിടെയാണ് നാട്ടില്‍ മടങ്ങി എത്തിയത്.
ഇയാള്‍ ആരംഭിക്കാനിരിക്കുന്ന പുതിയ കടയുടെ വയറിംഗ് ജോലികള്‍ പ്രശാന്തനായിരുന്നു ചെയ്തത്. ഇന്ന് രാവിലെ ഷഫീഖ് വീട്ടിലെത്തിയപ്പോള്‍ പ്രശാന്തന്‍ സ്ഥലത്ത് ഇല്ലായിരുന്നു.വീട്ടില്‍ കാത്തിരുന്ന ഷഫീഖ്, പ്രശാന്തന്‍ എത്തിയപ്പോള്‍ മേശപ്പുറത്ത് ഉണ്ടായിരുന്ന ചുറ്റിക കൊണ്ട് തലക്ക് അടിക്കുകയായിരുന്നു. തുടര്‍ന്ന് റെയില്‍പാളം കടന്ന് സ്വന്തം വീട്ടിലേക്ക് പോകുന്നതിനിടെ ട്രെയിന്‍ ഇടിക്കുകയായിരുന്നു. വളപട്ടണം പൊലീസ് അന്വേഷണം ആരംഭിച്ചു.
