പാലക്കാട്: കേരളത്തില് വേനല് ചൂട് വര്ദ്ധിച്ചിരിക്കെ മണ്ണാര്ക്കാട് നിര്ത്തിയിട്ടിരുന്ന ഓട്ടോറിക്ഷയുടെ ചില്ല് കടുത്ത ചൂടില് പൊട്ടിത്തെറിച്ചു. മണ്ണാര്ക്കാട് കോടതിപ്പടിയില് നിര്ത്തിയിട്ടിരുന്ന പുതിയ ഓട്ടോറിക്ഷയുടെ മുന്വശത്തെ ചില്ലാണ് പൊട്ടിത്തെറിച്ചത്.
ചില്ല് തെറിച്ചു വീണ് ഡ്രൈവര് ജംഷീറിന്റെ കാലിന് നിസാര പരിക്കേറ്റു. പാലക്കാട് ജില്ലയില് താപനില 40 ഡിഗ്രി സെല്ഷ്യസ് വരെ ഉയരാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി.
വയനാടും ഇടുക്കിയും ഒഴികെയുള്ള 12 ജില്ലകളില് ഉയര്ന്ന താപനില മുന്നറിയിപ്പുണ്ട്. സംസ്ഥാനത്തെ ശരാശരി പകല് താപനില 37 ഡിഗ്രി സെല്ഷ്യസിനും മുകളിലാണ്. ഉഷ്ണതരംഗത്തിന് സമാനമായ സാഹചര്യമാണ് പലയിടത്തും നിലനില്ക്കുന്നത്. വരും ദിവസങ്ങളിലും കടുത്ത ചൂട് തുടരുമെന്നതിനാല് ജാഗ്രത പാലിക്കണമെന്ന് അധികൃതര് നിര്ദേശിച്ചു.
