തിരുവനന്തപുരം: കോണ്ഗ്രസിന്റെ മതേതരത്വത്തെക്കുറിച്ച് ചോദിക്കാനെത്തിയ യൂട്യൂബര്ക്ക് ചുട്ടമറുപടി നല്കി അഖില് മാരാര്. 1885ല് വിദേശിയായ എ.ഒ ഹ്യൂം കോണ്ഗ്രസ് രൂപീകരിച്ചപ്പോള് വലിയ ലക്ഷ്യങ്ങള് കോണ്ഗ്രസിനുണ്ടായിരുന്നു. എന്നാല് ഇന്ന് ദേശീയബോധം ലവലേശം ഇല്ലാത്ത പാര്ട്ടിയായി കോണ്ഗ്രസ് അധപതിച്ചിരിക്കുന്നുവെന്നായിരുന്നു അഖില് മാരാരുടെ വിശദീകരണം.
“ഒരു കാലത്ത് ഹിന്ദുക്കളെ ചേര്ത്ത് പിടിച്ച പാര്ട്ടിയായിരുന്നു കോണ്ഗ്രസ്. എന്നാല് ഇപ്പോള് അത് അങ്ങിനെയല്ലാതായി. തീവ്രവാദിയായ അഫ്സല് ഗുരുവിന് വേണ്ടി അനുസ്മരണപരിപാടി സംഘടിപ്പിച്ച കനയ്യ കുമാറിനെപ്പോലെയുള്ള ഒരുവനെ കോണ്ഗ്രസ് കൂടെക്കൂട്ടിയതാണോ മതേതരത്വം? സിഎഎ എന്ആര്സി നടപ്പാക്കുമ്പോള് അത് ഇന്ത്യയുടെ നന്മയ്ക്ക് വേണ്ടിയാണെന്നും ഇന്ത്യയിലെ ഒരു മുസല്മാനും കുഴപ്പമുണ്ടാകില്ലെന്നും അറിഞ്ഞിട്ടും രാജ്യനന്മയ്ക്ക് വേണ്ടിയല്ലാതെ പ്രവര്ത്തിക്കുന്നതാണോ കോണ്ഗ്രസിന്റെ ദേശീയബോധം?”- അഖില് മാരാര് ചോദിച്ചു.
പഹല് ഗാം ആക്രമണമുണ്ടായപ്പോള് റോബര്ട്ട് വധേര പറയുകയാണ് ഈ ആക്രമണം ചെയ്യിച്ചത് നരേന്ദ്രമോദിയാണെന്ന് പറഞ്ഞ അവന്റെ ചെവിക്കല്ലടിച്ചു പൊട്ടിക്കണമെന്ന് അന്ന് ഫെയ്സ്ബുക്കില് കുറിച്ചൊരു ആളാണ് ഞാന്. പ്രിയപ്പെട്ട രാഹുല് ഗാന്ധി, അളിയനെ വിളിച്ച് എത്രയും വേഗം ചെവിക്കല്ല് അടിച്ചുപൊട്ടിക്കണമെന്നാണ് ഞാന് അന്ന് പറഞ്ഞത്. ” – അഖില് മാരാര് അഭിപ്രായപ്പെട്ടു.
