ന്യൂയോര്‍ക്ക്: ഫിഫ ലോകകപ്പ് ഫുട്‌ബോള്‍ ചരിത്രത്തില്‍ ആദ്യമായി 48 ടീമുകള്‍ അണിനിരക്കുന്ന വിശ്വ ഫുട്‌ബോള്‍ മാമാങ്കത്തിനുള്ള ടീമുകളെല്ലാമായി.
ഇന്നേക്ക് 70-ാം ദിവസം (ജൂണ്‍ 11) ഭാരത സമയം രാത്രി 12.30ന് മെക്‌സിക്കോ സിറ്റിയിലെ അസ്‌റ്റേക്ക സ്‌റ്റേഡിയത്തില്‍ ആതിഥേയരായ മെക്‌സിക്കോയും ദക്ഷിണാഫ്രിക്കയും തമ്മിലാണ് 23-ാം ഫിഫ ലോകകപ്പ് ഫുട്‌ബോളിന്റെ കിക്കോഫ് പോരാട്ടം. ഇന്നലെ പുലര്‍ച്ചെ മുതല്‍ രാവിലെ വരെയായി നടന്ന ആറ് യോഗ്യതാ പ്ലേ ഓഫ് ഫൈനല്‍ കൂടി കഴിഞ്ഞതോടെ അവശേഷിക്കുന്ന ടീമുകള്‍ കൂടി ലോകകപ്പിന് യോഗ്യത നേടി. ഫൈനലുകളില്‍ ജേതാക്കളായത് ഇറാഖ്, കോംഗോ, ബോസ്‌നിയ ഹെര്‍സെഗോവിന, തുര്‍ക്കി, സ്വീഡന്‍, ചെക്ക് റിപ്പബ്ലിക് ടീമുകളാണ്.
നാല് തവണ ലോക കിരീടം ചുടിയിട്ടുള്ള ഇറ്റലിയെ ഷൂട്ടൗട്ടില്‍ തോല്‍പ്പിച്ചാണ് ബോസ്‌നിയ ഹെര്‍സെഗോവിന ലോകകപ്പിന് യോഗ്യത നേടിയത്. ഷൂട്ടൗട്ടിലൂടെ നിര്‍ണയിക്കപ്പെട്ട പ്ലേ ഓഫ് ഫൈനലില്‍ വിജയിച്ചാണ് ചെക്ക് റിപ്പബ്ലിക് യോഗ്യത ഉറപ്പിച്ചത്. കരുത്തരായ ഡെന്‍മാര്‍ക്കിനെ അട്ടിമറിക്കുകയായിരുന്നു. ലാറ്റിനമേരിക്കന്‍ കരുത്തരായ ബൊളീവിയയെ കീഴടക്കി ഏഷ്യന്‍ ടീം ഇറാഖ് ലോകകപ്പില്‍ സാന്നിധ്യം വ്യക്തമാക്കി. കരീബിയന്‍ ടീം ജമൈക്കയെ വീഴ്‌ത്തി കോംഗോയും പാസ് നേടി. മറ്റ് മത്സരങ്ങളില്‍ പോളണ്ടിനെ സ്വീഡനും കൊസോവോയെ തുര്‍ക്കിയും തോല്‍പ്പിച്ചു.
ഏറ്റവും കൂടുതല്‍ ടീമുകളുടെ സാന്നിധ്യം പോലെ ഏറ്റവും കൂടുതല്‍ രാജ്യങ്ങളിലായി നടക്കുന്ന ആദ്യ ലോകകപ്പ് ആണിത്. അമേരിക്ക, മെക്‌സിക്കോ, കാനഡ എന്നീ രാജ്യങ്ങളിലായാണ് ലോകകപ്പ് നടക്കുന്നത്. ലോകകപ്പിന്റെ ചരിത്രത്തില്‍ ഇതിന് മുമ്പ് ഒന്നിലേറെ രാജ്യങ്ങളില്‍ ലോകകപ്പ് ആതിഥ്യമരുൡയത് ഒരേയൊരു തവണ 2002ല്‍ ജപ്പാനിലും ദക്ഷിണ കൊറിയയിലുമായി. ഏഷ്യയില്‍ വിരുന്നെത്തിയ ആദ്യ ഫുട്‌ബോള്‍ ലോകകപ്പ് ആയിരുന്നു അത്.
ആതിഥേയരെന്ന നിലയില്‍ അമേരിക്ക, മെക്‌സിക്കോ, കാനഡ ടീമുകള്‍ ആദ്യം തന്നെ ലോകകപ്പില്‍ സ്ഥാനം ഉറപ്പിച്ചിരുന്നു. വിവിധ കോണ്‍ഫെഡറേഷനുകളില്‍ നിന്നായി 39 ടീമുകള്‍ യോഗ്യതാ പോരാട്ടങ്ങളില്‍ നിന്ന് നേരിട്ട് വിജയിച്ചുകയറി.
ആദ്യമായി ഖത്തര്‍
യോഗ്യതാ പോരാട്ടത്തിലൂടെ ഏഷ്യന്‍ ടീം ഖത്തര്‍ ലോകകപ്പിനെത്തുന്നത് ആദ്യമായി. കഴിഞ്ഞ തവണ ആതിഥേയ ടീമായി കളിച്ചിരുന്നു
4 പുതിയ ടീമുകള്‍
കെയ്‌പ് വെര്‍ദെ, കുറസാവോ, ജോര്‍ദാന്‍, ഉസ്‌ബെക്കിസ്ഥാന്‍
2 ടീമുകള്‍ക്ക് രണ്ടാ അവസരം
കോംഗോ, ഹെയ്തി. ഇതിന് മുമ്പ് കളിച്ചത് 1974ല്‍
40 വര്‍ഷത്തിന് ശേഷം
കൃത്യം നാല് പതിറ്റാണ്ടിന്റെ ഇടവേളയ്‌ക്ക് ശേഷം ഇറാഖ് ലോകകപ്പിനെത്തുന്നു. ഇതിന് മുമ്പ് കളിച്ചത് 1986ല്‍ മെക്‌സിക്കോയില്‍
വേദികള്‍ 16
ചരിത്രത്തില്‍ ആദ്യമായി മൂന്ന് രാജ്യങ്ങളിലായി നടക്കുന്ന ലോകകപ്പ്
അമേരിക്ക
(നഗരം- സ്റ്റേഡിയം, സീറ്റിങ് കപ്പാസിറ്റി ക്രമത്തില്‍)
ടെക്‌സസ്- ഡല്ലാസ് സ്റ്റേഡിയം, 94000
ന്യൂയോര്‍ക്ക്- മെറ്റ് ലൈഫ് സ്റ്റേഡിയം, 82500
അറ്റ്‌ലാന്റ- മെഴ്‌സിഡെസ് ബെന്‍സ് സ്റ്റേഡിയം, 75000
കന്‍സാസ് സിറ്റി- കന്‍സാസ് സിറ്റി സ്റ്റേഡിയം, 73000
ഹൂസ്റ്റണ്‍- എന്‍ആര്‍ജി സ്റ്റേഡിയം, 72000
സാന്‍ ഫ്രാന്‍സിസ്‌കോ- ലെവിസ് സ്റ്റേഡിയം, 71000
ലോസ് ആഞ്ചലിസ്- സോഫി സ്റ്റേഡിയം, 70000
ഫിലാഡെല്‍ഫിയ- ഫിലാഡെല്‍ഫിയ സ്റ്റേഡിയം, 69000
സീട്ടില്‍-ലുമെന്‍ ഫീല്‍ഡ് സ്റ്റേഡിയം, 69000
ബോസ്റ്റണ്‍- ജില്ലെറ്റ് സ്റ്റേഡിയം, 65000
ഫ്‌ളോറിഡ- മയാമി സ്റ്റേഡിയം, 65000
മെക്‌സിക്കോ
മെക്‌സിക്കോ സിറ്റി- അസ്‌റ്റേക്ക സ്റ്റേഡിയം, 83000
മോണ്ടെറി-ബിബിവിഎ സ്റ്റേഡിയം, 53500
ഗൗഡലാജാറ-അക്രോന്‍ സ്റ്റേഡിയം, 48000
കാനഡ
വാന്‍കൂവര്‍- ബിസി പ്ലെയ്‌സ് സ്റ്റേഡിയം, 54000
ടൊറൊന്റോ- ബിഎംഒ ഫീല്‍ഡ് സ്റ്റേഡിയം, 45000
48 ടീമുകളും ഉള്‍പ്പെട്ട ലോകകപ്പ് പട്ടിക
