ഇറാന്‍ യുദ്ധം രൂക്ഷമാകുന്നു; ഊ​ർ​ജ സു​ര​ക്ഷ ഉ​റ​പ്പാ​ക്കാ​ൻ അടിയന്തര ഉ​ന്ന​ത​ത​ല യോ​ഗം ചേ​ർ​ന്ന് കേ​ന്ദ്രം

ന്യൂ​ദ​ൽ​ഹി: ഇ​സ്ര​യേ​ൽ-​ഇ​റാ​ൻ സം​ഘ​ർ​ഷം പ​ശ്ചി​മേ​ഷ്യ​യി​ൽ ആ​ളി​പ്പ​ട​രു​ന്ന സാ​ഹ​ച​ര്യ​ത്തി​ൽ രാ​ജ്യ​ത്തെ പെ​ട്രോ​ളി​യം, പ്ര​കൃ​തി​വാ​ത​കം, വൈ​ദ്യു​തി, വ​ളം എ​ന്നീ മേ​ഖ​ല​ക​ളു​ടെ സ്ഥി​തി​ഗ​തി​ക​ൾ വി​ല​യി​രു​ത്താ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ നേ​തൃ​ത്വ​ത്തി​ൽ ഉ​ന്ന​ത​ത​ല യോ​ഗം ചേ​ർ​ന്നു.

ഞായറാഴ്ച വൈകുന്നേരം ചേര്‍ന്ന മന്ത്രിതല യോഗത്തിൽ ഫെബ്രുവരി 28-ന് ഇറാന്റെ പരമോന്നത നേതാവ് ആയത്തുള്ള അലി ഖമേനി കൊല്ലപ്പെട്ടതിന് പിന്നാലെ ആരംഭിച്ച സംഘർഷം ആഗോള ഇന്ധന വിപണിയില്‍ ഉണ്ടാക്കിയ  വൻ പ്രതിസന്ധി ചര്‍ച്ചചെയ്തു. ഇറാൻ തിരിച്ചടി തുടങ്ങിയതോടെ കടൽ മാർഗമുള്ള ചരക്ക് നീക്കം ദുഷ്കരമായതാണ് ഇന്ത്യയെപ്പോലെയുള്ള രാജ്യങ്ങളെ ആശങ്കയിലാക്കുന്നത്. രാജ്യത്ത് തടസ്സമില്ലാത്ത ഇന്ധന വിതരണം, കാര്യക്ഷമമായ ലോജിസ്റ്റിക്സ് സംവിധാനം എന്നിവ ഉറപ്പാക്കുകയാണ് ഞായറാഴ്ചത്തെ യോഗത്തിന്റെ പ്രധാന ലക്ഷ്യം.

യുദ്ധം ദീർഘകാലം നീണ്ടുനിൽക്കുകയാണെങ്കിൽ എണ്ണ ഇറക്കുമതിയിൽ ബദൽ മാർഗ്ഗങ്ങൾ തേടുന്നതിനെക്കുറിച്ചും യോഗം ചർച്ച ചെയ്തു. നിലവിൽ ഇന്ത്യയുടെ പക്കലുള്ള തന്ത്രപ്രധാനമായ എണ്ണ ശേഖരം (Strategic Petroleum Reserves) എത്രകാലം തികയുമെന്നതിനെക്കുറിച്ചും ഉദ്യോഗസ്ഥർ പ്രധാനമന്ത്രിക്ക് റിപ്പോർട്ട് നൽകും. സമാധാനവും ക്ഷമയും പാലിച്ച് ഈ പ്രതിസന്ധിയെ നേരിടണമെന്നാണ് പ്രധാനമന്ത്രി ജനങ്ങളോട് അഭ്യർത്ഥിച്ചിരിക്കുന്നത്. യുഎസ് ബേസുകൾക്ക് നേരെയുള്ള ഇറാന്റെ ആക്രമണം തുടരുന്നത് ആഗോള വിപണിയിൽ അസംസ്കൃത എണ്ണ വില കുതിച്ചുയരാൻ കാരണമായിട്ടുണ്ട്. വരും ദിവസങ്ങളിൽ ഇന്ധന വിതരണത്തിൽ തടസ്സമില്ലെന്ന് ഉറപ്പാക്കാൻ പെട്രോളിയം മന്ത്രാലയത്തിന് കീഴിൽ പ്രത്യേക കൺട്രോൾ റൂമും സജ്ജമാക്കിയേക്കും.

ഇന്ത്യയിൽ ഇന്ധന ലഭ്യത ഉറപ്പാക്കാനും വിലക്കയറ്റം നിയന്ത്രിക്കാനും ഏതറ്റം വരെയും പോകാനാണ് സര്‍ക്കാര്‍ ലക്ഷ്യമിടുന്നത്. അ​വ​ശ്യ വി​ഭ​വ​ങ്ങ​ളു​ടെ ത​ട​സ​മി​ല്ലാ​ത്ത വി​ത​ര​ണ​വും സു​സ്ഥി​ര​മാ​യ ച​ര​ക്കു​നീ​ക്ക​വും ഉ​റ​പ്പാ​ക്കു​ന്ന​തി​നാ​ണ് യോ​ഗം മു​ൻ​ഗ​ണ​ന ന​ൽ​കി.

പാ​ച​ക​വാ​ത​ക​ത്തി​ന്റെ പൂ​ഴ്‌ത്തി​വെ​പ്പും ക​രി​ഞ്ച​ന്ത​യും ത​ട​യു​ന്ന​തി​നാ​യി വി​വി​ധ സം​സ്ഥാ​ന​ങ്ങ​ളി​ൽ ന‌​ട​ത്തു​ന്ന പ​രി​ശോ​ധ​ന​ക​ൾ തു​ട​രാ​നാ​ണ് തീ​രു​മാ​നം. പ്ര​ധാ​ന​മ​ന്ത്രി​യു​ടെ വ​സ​തി​യി​ൽ ന​ട​ന്ന യോ​ഗ​ത്തി​ൽ ആ​ഭ്യ​ന്ത​ര മ​ന്ത്രി അ​മി​ത് ഷാ, ​പ്ര​തി​രോ​ധ മ​ന്ത്രി രാ​ജ്‌​നാ​ഥ് സിം​ഗ്, വി​ദേ​ശ​കാ​ര്യ മ​ന്ത്രി എ​സ്. ജ​യ​ശ​ങ്ക​ർ, പെ​ട്രോ​ളി​യം മ​ന്ത്രി ഹ​ർ​ദീ​പ് സിം​ഗ് പു​രി, ധ​ന​മ​ന്ത്രി നി​ർ​മ​ല സീ​താ​രാ​മ​ൻ എ​ന്നി​വ​ർ പ​ങ്കെ​ടു​ത്തു.

ആ​ഗോ​ള സം​ഭ​വ​വി​കാ​സ​ങ്ങ​ൾ സൂ​ക്ഷ്മ​മാ​യി നി​രീ​ക്ഷി​ക്കാ​നും ഉ​പ​ഭോ​ക്താ​ക്ക​ളു​ടെ​യും വ്യ​വ​സാ​യ മേ​ഖ​ല​യു​ടെ​യും താ​ത്പ​ര്യ​ങ്ങ​ൾ സം​ര​ക്ഷി​ക്കാ​നും പ്ര​തി​ജ്ഞാ​ബ​ദ്ധ​മാ​ണെ​ന്ന് സ​ർ​ക്കാ​ർ യോ​ഗ​ത്തി​ന് ശേ​ഷം മാധ്യമങ്ങളെ അ​റി​യി​ച്ചു. അ​ടി​യ​ന്ത​ര ന​ട​പ​ടി​യെ​ന്ന നി​ല​യി​ൽ വാ​ണി​ജ്യ എ​ൽ​പി​ജി വി​ഹി​തം വ​ർ​ധി​പ്പി​ക്കാ​നും സ​ർ​ക്കാ​ർ തീ​രു​മാ​നി​ച്ചു. വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്കും ആ​ശു​പ​ത്രി​ക​ൾ​ക്കു​മാ​ണ് മു​ൻ​ഗ​ണ​ന ന​ൽ​കു​ക. ഗാ​ർ​ഹി​ക-​വാ​ണി​ജ്യ ഉ​പ​ഭോ​ക്താ​ക്ക​ൾ​ക്ക് പു​തി​യ പി​എ​ൻ​ജി ക​ണ​ക്ഷ​നു​ക​ൾ വേ​ഗ​ത്തി​ൽ ന​ൽ​കാ​നും സം​സ്ഥാ​ന​ങ്ങ​ൾ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.