കൊൽക്കത്ത : രാജ്യത്ത് നിന്ന് ബിജെപിയെ തുടച്ചുനീക്കുക എന്നതാണ് തന്റെയും, തൃണമൂൽ കോൺഗ്രസിന്റെയും ലക്ഷ്യമെന്ന് ബംഗാൾ മുഖ്യമന്ത്രി മമത ബാനർജി. കൊൽക്കത്തയിലെ റെഡ് റോഡിൽ ഈദ്-ഉൽ-ഫിത്തർ പ്രാർത്ഥനയിൽ പങ്കെടുത്ത ശേഷമായിരുന്നു മമതയുടെ ഈ പ്രസ്താവന . ബംഗാളിന് സാമുദായിക ഐക്യത്തിന്റെ പാരമ്പര്യമുണ്ടെന്നും എല്ലാ സമുദായങ്ങളിലെയും ആളുകൾ ഇവിടെ പൂർണ്ണ സമാധാനത്തോടെയാണ് ജീവിക്കുന്നതെന്നും മമത പറഞ്ഞു.
“രക്തസാക്ഷിത്വത്തിനായുള്ള ആഗ്രഹം ഇപ്പോൾ നമ്മുടെ ഹൃദയങ്ങളിലുണ്ട്. കൊലയാളിയുടെ കൈകൾ എത്ര ശക്തമാണെന്ന് നമുക്ക് നോക്കാം… അല്ലാഹു നമ്മളെയെല്ലാം അനുഗ്രഹിക്കട്ടെ, ഇന്ത്യയും ബംഗാളും അഭിവൃദ്ധി പ്രാപിക്കട്ടെ. ഓരോ വിധിക്കും മുമ്പും ദൈവം നിങ്ങളുടെ ആഗ്രഹം എന്താണെന്ന് ചോദിക്കുന്ന തരത്തിൽ നിങ്ങളെത്തന്നെ ഉയർത്തുക. ഞങ്ങൾക്ക് ഒരു ലക്ഷ്യമേയുള്ളൂ: ബിജെപിയെ ഇല്ലാതാക്കി രാജ്യത്തെ രക്ഷിക്കുക.
വരാനിരിക്കുന്ന നിയമസഭാ തിരഞ്ഞെടുപ്പിന് മുമ്പ് വോട്ടർ പട്ടികയിൽ കൃത്രിമം കാണിച്ച് ജനങ്ങളുടെ വോട്ടവകാശം കവർന്നെടുക്കാനുള്ള ശ്രമമാണിവിടെ നടക്കുന്നത്. ഈ പോരാട്ടം തുടരുമെന്നും പ്രധാനമന്ത്രി മോദി ജനങ്ങളുടെ അവകാശങ്ങൾ കവർന്നെടുക്കാനും, ബംഗ്ലാദേശികളും , റോഹിംഗ്യകളും മനുഷ്യരാണ് . ഇവിടെ നിന്ന് ആരെയും പുറത്താക്കാനും ഞാൻ അനുവദിക്കില്ല. എസ്‌ഐ‌ആറിൽ ആളുകളുടെ പേരുകൾ അവർ ഇല്ലാതാക്കി. ഇതിനായി ഞാൻ കൊൽക്കത്തയിൽ നിന്ന് ഡൽഹിയിലേക്കും, കൊൽക്കത്ത ഹൈക്കോടതിയിൽ നിന്ന് സുപ്രീം കോടതിയിലേക്കും പോയി.
മോദിജിയെയും ബിജെപിയെയും നിങ്ങളുടെ വോട്ടവകാശം കവർന്നെടുക്കാൻ ഞങ്ങൾ അനുവദിക്കില്ല. ജനാധിപത്യവും ഓരോ പൗരന്റെയും അവകാശങ്ങളും സംരക്ഷിക്കാൻ ഞങ്ങൾ അവസാനം വരെ പോരാടും. മമത ബാനർജി പറഞ്ഞു.
