കൊല്ലം: വൈദ്യുതി ബില്ലിലും ഇടത് സര്ക്കാരിന്റെ പ്രചരണം.മീറ്റര് റീഡര്മാര് വീടുകളില് നല്കിയ ബില്ലില് പവര്കട്ടില്ലാത്ത പത്ത് വര്ഷങ്ങള് എന്ന വാചകമാണ് എഴുതിയിരിക്കുന്നത്. കൊല്ലം ജില്ലയില് ശനിയാഴ്ച നല്കിയ ബില്ലുകളിലാണ് പരസ്യമുളളത്.
തെരഞ്ഞെടുപ്പ് പെരുമാറ്റച്ചട്ടം നിലവില് വന്നാല് ഇത്തരം പരസ്യങ്ങള് പാടില്ലെന്നാണ് ചട്ടം.നേരത്തേ, ശുചിത്വ സന്ദേശമായിരുന്നു വൈദ്യുതി ബില്ലില് ഉണ്ടായിരുന്നത്.കേരളം, തമിഴ്നാട്, ബംഗാള്, അസം സംസ്ഥാനങ്ങളിലും കേന്ദ്രഭരണ പ്രദേശമായ പുതുച്ചേരിയിലും നിയമസഭാ തിരഞ്ഞെടുപ്പ് തീയതികള് പ്രഖ്യാപിച്ചതോടെ മാതൃകാ പെരുമാറ്റച്ചട്ടം നിലവില്വന്നു.
തിരഞ്ഞെടുപ്പ് പ്രഖ്യാപനത്തോടെ രാഷ്ട്രീയ പാര്ട്ടികള്ക്കും സ്ഥാനാര്ഥികള്ക്കും ബാധകമാകുന്ന ഈ ചട്ടങ്ങള് തെരഞ്ഞെടുപ്പ് പ്രക്രിയ പൂര്ത്തിയാകുന്നത് വരെ കര്ശനമായി പാലിക്കേണ്ടതാണ്. സ്വതന്ത്രവും നീതിയുക്തവുമായ തിരഞ്ഞെടുപ്പ് ഉറപ്പാക്കുക എന്നതാണ് ഇതിന്റെ ലക്ഷ്യം.
സര്ക്കാര് സംവിധാനങ്ങളുടെ ദുരുപയോഗം, പണം നല്കി വോട്ടര്മാരെ സ്വാധീനിക്കല്, കള്ളവോട്ട് തുടങ്ങിയ നിയമവിരുദ്ധ പ്രവര്ത്തനങ്ങള് തടയാന് ആണ് തിരഞ്ഞെടുപ്പ് കമ്മിഷന് ഈ ചട്ടങ്ങള് നടപ്പിലാക്കുന്നത്.
