ബെയ്റൂട്ട് : തെക്കന്‍ ലെബനനിലെ ആശുപത്രിക്കു നേരെയുണ്ടായ ഇസ്രായേലി ആക്രമണത്തില്‍ ഡോക്ടര്‍മാര്‍ ഉള്‍പ്പെടെ 12 ആരോഗ്യപ്രവര്‍ത്തകര്‍ കൊല്ലപ്പെട്ടതായി ലെബനന്‍ പൊതുജനാരോഗ്യ മന്ത്രാലയം അറിയിച്ചു.
ബിന്റ് ജ്‌ബെയ്ല്‍ ജില്ലയിലാണ് ആക്രമണമുണ്ടായത്, ഡ്യൂട്ടിയിലായിരുന്ന ഡോക്ടര്‍മാര്‍, നഴ്സുമാര്‍, പാരാമെഡിക്കല്‍ ജീവനക്കാര്‍ എന്നിവരാണ് കൊല്ലപ്പെട്ടത്.
മാര്‍ച്ച് 2 മുതല്‍ ലെബനനില്‍ ഇസ്രായേല്‍ നടത്തിവരുന്ന ആക്രമണങ്ങളില്‍ കുറഞ്ഞത് 26 പാരാമെഡിക്കല്‍ ജീവനക്കാര്‍ കൊല്ലപ്പെടുകയും 51 പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്. ഇതുവരെ കൊല്ലപ്പെട്ട ലെബനന്‍ പൗരന്‍മാരുടെ എണ്ണം 773 ആണ്.
സൗനെയില്‍ ഇസ്രായേല്‍ നേരത്തെ നടത്തിയ ആക്രമണത്തില്‍ രണ്ട് പാരാമെഡിക്കല്‍ ജീവനക്കാര്‍ കൊല്ലപ്പെടുകയും അഞ്ച് പേര്‍ക്ക് പരിക്കേല്‍ക്കുകയും ചെയ്തിരുന്നു.
ലെബനനിലെ ആശുപത്രിക്കു നേരെ ഇസ്രായേലി ആക്രമണം: ഡോക്ടര്‍മാര്‍ ഉള്‍പ്പെടെ 12 ആരോഗ്യപ്രവര്‍ത്തകര്‍ കൊല്ലപ്പെട്ടു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.