തൃശൂര്: നാട്ടികയില് സിപിഐ സീറ്റ് നിഷേധിച്ച എം.എല്.എ. സി സി മുകുന്ദന് പാര്ട്ടിയില് നിന്ന് രാജി വച്ചു. നാട്ടികയില് തന്നെ സ്വതന്ത്രനായി മല്സരിക്കുമെന്ന് മുകുന്ദന് അറിയിച്ചു. അതേസമയം മുകുന്ദനെ യുഡിഎഫ് സ്വതന്ത്ര സ്ഥാനാര്ത്ഥിയാക്കാന് കോണ്ഗ്രസ് നേതാക്കള് ശ്രമം ആരംഭിച്ചു.
സി.പി.ഐ നാട്ടിക നിയോജക മണ്ഡലം കമ്മിറ്റിയില് നിന്നാണ് മുകുന്ദന് രാജിവച്ചത്. സ്വതന്ത്ര സ്ഥാനാര്ത്ഥിയെന്ന നിലയ്ക്ക് മറ്റു പാര്ട്ടികളുടെ പിന്തുണ സ്വീകരിക്കുമെന്നും നിരവധി പേര് പിന്തുണ അറിയിച്ചിട്ടുണ്ടെന്നും അദ്ദേഹം അവകാശപ്പെട്ടു. മുകുന്ദനെ മാറ്റി മുന് എംഎല്എ ഗീതാഗോപിയെ മത്സരിപ്പിക്കാന് സിപിഐ തീരുമാനിച്ചതോടെയാണ് പാര്ട്ടി വിടാന് മുകുന്ദന് തീരുമാനിച്ചത്.
പാര്ട്ടിക്ക് പണം പിരിച്ചു നല്കാന് തനിക്കാവില്ലെന്നും ഗീത ഗോപിയ്ക്ക് സീറ്റ് നല്കുന്നത് സാമ്പത്തിക സ്വാധീനം മൂലമാണെന്നും മുകുന്ദന് ആരോപിച്ചിരുന്നു. ഗീത മകള്ക്ക് 225 പവന് വിവാഹ സമ്മാനമായി നല്കിയെന്നും നാട്ടികയില് നിന്ന് ഇതിനായി പണം പിരിച്ചുവെന്നുമുള്ള ഗുരുതര ആരോപണമാണ് മുകുന്ദന് ഉന്നയിക്കുന്നത്. എന്നാല് പണം തിരികെ കൊടുത്തില്ല. പണം കൊടുത്തവര് പരാതിയുമായി സമീപിച്ചെന്നും മുകുന്ദന് വെളിപ്പെടുത്തി.
