ദുബായ് : ഗള്ഫ് മേഖലയില് നിന്ന് കൂടുതല് വിമാന സര്വീസുകള് നടത്താന് ഇന്ത്യന് കമ്പനികള്. ബുധനാഴ്ച ഇന്ത്യയിലേക്കും തിരിച്ചും 58 സര്വീസുകള് ഉണ്ടാകും.
30 സര്വീസുകള് ഇന്ഡിഗോയുടേതാണ്. എയര് ഇന്ത്യയും എയര് ഇന്ത്യ എക്സ്പ്രസും ചേര്ന്ന് 28 സര്വീസുകളും നടത്തും. ചൊവ്വാഴ്ച ഇന്ത്യന് കമ്പനികള് 24 സര്വീസുകളാണ് നടത്തിയത്.
കൂടുതല് അന്താരാഷ്ട്ര കമ്പനികളുടെ വിമാന സര്വീസുകളും നടത്തുമെന്ന് വ്യോമയാന മന്ത്രാലയം അറിയിച്ചു. ജിദ്ദയില് നിന്നും മസ്കറ്റില് നിന്നുമാകും ഇന്ഡിഗോ സര്വീസുകള്. യുഎഇയില് നിന്നും സര്വീസുകള് ഉണ്ടാകും. ടിക്കറ്റെടുത്ത് കുടുങ്ങിപ്പോയവരെ വിമാന കമ്പനികള് വിവരങ്ങള് അറിയിക്കും.അറിയിപ്പ് ലഭിച്ചതിന് ശേഷം മാത്രം വിമാനത്താവളങ്ങളിലേക്ക് യാത്രക്കാര് എത്തിയാല് മതി
മസ്കറ്റില് നിന്നുള്ള കോഴിക്കോട്, ദല്ഹി, കൊച്ചി,മുംബയ്, മംഗലാപുരം എയര് ഇന്ത്യാ എക്സ്പ്രസ് സര്വീസുകള്,സര്വീസുകള് ബുധനാഴ്ച ആരംഭിക്കും. കൊച്ചി, മുംബയ്, ദല്ഹി എന്നിവിടങ്ങളിലേക്ക് അധിക സര്വീസുകളും ഉണ്ടാകുമെന്ന് എയര് ഇന്ത്യാ എക്സ്പ്രസ് അറിയിച്ചു. കുടുങ്ങിക്കിടക്കുന്ന ഇന്ത്യന് പൗരന്മാരെ നാട്ടില് എത്തിക്കാനുള്ള നീക്കമാണ് വിമാന കമ്പനികള് നടത്തുന്നത്.
