മലപ്പുറം:താനൂരില്‍ നിന്നും കാണാതായ ഇംതിയാസിനെ മഹാരാഷ്ട്രയിലെ നാഗ്പൂരില്‍ നിന്ന് കണ്ടെത്തി. നാഗ്പൂരില്‍ നിന്ന് 16 കിലോ മീറ്റര്‍ അകലെയുള്ള അപ്പാര്‍ട്ട്‌മെന്റില്‍ നിന്നാണ് യുവാവിനെ കണ്ടെത്തിയത്. ബുധനാഴ്ച രാത്രി 11 മണിക്കുള്ള വിമാനത്തില്‍ ഇംതിയാസുമായി താനൂര്‍ പൊലീസ് നാട്ടിലെത്തും.
ബാങ്ക് ഇടപാടിലെ ലൊക്കേഷന്‍ കേന്ദ്രീകരിച്ച് നടത്തിയ അന്വേഷണമാണ് പൊലീസിന് ഇംതിയാസിനെ കണ്ടെത്താന്‍ സഹായകമായത്.നഴ്‌സിംഗ് പഠനം പൂര്‍ത്തിയാക്കിയതിന്റെ സര്‍ട്ടിഫിക്കറ്റ് വാങ്ങാന്‍ ബെംഗളൂരുവില്‍ എത്തിയ ഇംതിയാസിനെ കാണാതായത് ഈ മാസം ഏഴിനാണ്.
ബാംഗ്ലൂരില്‍ എത്തിയ ഉടന്‍ വീട്ടുകാരെ ബന്ധപ്പെട്ടെങ്കിലും പിന്നീട് യാതൊരു വിവരവും ലഭിച്ചിരുന്നില്ല. തുടര്‍ന്ന് കുടുംബം പൊലീസില്‍ പരാതി നല്‍കി.
