അഹമ്മദാബാദ്: ഗുജറാത്തിലെ ദ്വാരക തീരത്ത് നിന്ന് അഞ്ച് കോടിയുടെ സിഗരറ്റുമായി ഇറാന്‍ സംഘത്തെ നാവിക സേന പിടികൂടി. നാല് ഇറാന്‍ പൗരന്മാരെ അറസ്റ്റ് ചെയ്തു. ദ്വാരക തീരത്ത് കോസ്റ്റ് ഗാര്‍ഡ് നടത്തിയ പരിശോധനയിലാണ് അല്‍ മുഖ്താര്‍ എന്ന കപ്പലില്‍ നിന്ന് ഒരു ലക്ഷം പാക്കറ്റ് വിദേശ ബ്രാന്‍ഡ് സിഗരറ്റുകള്‍ അടങ്ങിയ 200 പെട്ടികള്‍ കണ്ടെത്തിയത്.
അന്താരാഷ്‌ട്ര വിപണിയില്‍ 2.5 കോടി മുതല്‍ അഞ്ച് കോടി വരെയാണ് ഇതിന്റെ മൂല്യം.
കൂടുതല്‍ അന്വേഷണത്തിനും സുരക്ഷാ ഏജന്‍സികളുടെ സംയുക്ത ചോദ്യം ചെയ്യലിനുമായി ബോട്ട് ഗുജറാത്തിലെ പോര്‍ബന്ദറിലേക്ക് കൊണ്ടുപോയിരിക്കുകയാണ്.
നേരത്തെ, ഈ മാസം 16ന് ഗുജറാത്ത് തീരത്ത് നിന്ന് ഐസിജിയും ഗുജറാത്ത് ഭീകര വിരുദ്ധ സ്‌ക്വാഡും (എടിഎസ്) സംയുക്തമായി നടത്തിയ ഓപ്പറേഷനില്‍ 200 കിലോയിലധികം വരുന്ന മയക്കുമരുന്നുമായി രണ്ട് ഇറാന്‍ പൗരന്മാരെ പിടികൂടിയിരുന്നു.
