പൊതുപണിമുടക്ക് വൻ വിജയമാക്കിയ രാജ്യത്തെ തൊഴിലാളികളെ അഭിനന്ദിച്ച് സിപിഎം പൊളിറ്റ് ബ്യൂറോ. കേന്ദ്ര സർക്കാരിന്റെ തൊഴിലാളി-കർഷക വിരുദ്ധ നയങ്ങൾക്കെതിരെ നടന്ന പ്രതിഷേധത്തിൽ കർഷകത്തൊഴിലാളികളും തൊഴിലാളിവർഗത്തിനൊപ്പം അണിചേർന്നെന്ന് സിപിഎം പോളിറ്റ് ബ്യൂറോ ഇറക്കിയ പ്രസ്താവനയിൽ പറഞ്ഞു.
ബിജെപി സർക്കാരിന്റെ വിവിധ ജനവിരുദ്ധ നയങ്ങൾക്കെതിരെ പോരാടുന്ന തൊഴിലാളികൾക്കും കർഷകർക്കുമുള്ള ഐക്യദാർഢ്യവും സിപിഎം ആവർത്തിച്ചു.
നാല് തൊഴിൽ കോഡുകളുടെ വിജ്ഞാപനം സർക്കാർ ഉടൻ റദ്ദാക്കണമെന്നും തൊഴിലാളികൾ കഠിനാധ്വാനത്തിലൂടെ നേടിയെടുത്ത അവകാശങ്ങൾ രക്ഷിക്കപ്പെടുന്നുണ്ടെന്ന് ഉറപ്പുവരുത്തണമെന്നും സിപിഎം പ്രസ്താവനയിൽ പറഞ്ഞു. അതേസമയം കേരളമൊഴികെ മറ്റൊരു സംസ്ഥാനത്തും ഇന്നലെ രാജ്യവ്യാപക പണിമുടക്കായിരുന്നു എന്ന പ്രതീതി ഇല്ലായിരുന്നു. ജനജീവിതം സാധാരണ നിലയിലായിരുന്നു.
