മുംബൈ : മകന്റെ വിവാഹം ക്ഷണിക്കാൻ പ്രധാനമന്ത്രി നരേന്ദ്രമോദിയുടെ വസതിയിലെത്തി ഇന്ത്യൻ ക്രിക്കറ്റ് താരം സച്ചിൻ ടെണ്ടുൽക്കർ . അർജുൻ ടെണ്ടുൽക്കർ – സാനിയ ചന്ദോക്ക് വിവാഹം ഈ വരുന്ന മാർച്ചിലാണ് നടക്കുക . കുടുംബത്തോടൊപ്പമാണ് സച്ചിൻ ടെണ്ടുൽക്കർ നരേന്ദ്ര മോദിയെ കാണാൻ എത്തിയത്. കൂടിക്കാഴ്ചയുടെ ചിത്രങ്ങൾ പങ്കുവെച്ചുകൊണ്ട് ഇൻസ്റ്റാഗ്രാമിലെ പോസ്റ്റിലാണ് സച്ചിൻ ഈ വിവരം പങ്കുവെച്ചത്.
“ബഹുമാനപ്പെട്ട പ്രധാനമന്ത്രി നരേന്ദ്ര മോദിയെ അർജുന്റെയും സാനിയയുടെയും വിവാഹത്തിന് ക്ഷണിക്കാനുള്ള ഭാഗ്യം ഞങ്ങൾക്ക് ലഭിച്ചു. ഈ യുവ ദമ്പതികൾക്ക് അനുഗ്രഹവും ചിന്തനീയമായ ഉപദേശവും നൽകിയതിന് പ്രധാനമന്ത്രി മോദിക്ക് നന്ദി” എന്ന് സച്ചിൻ ടെണ്ടുൽക്കർ ഇൻസ്റ്റാഗ്രാമിൽ കുറിച്ചു.
പ്രമുഖ വ്യവസായി രവി ഘായിയുടെ ചെറുമകളാണ് സാനിയ ചന്ദോക്. വിവാഹ ചടങ്ങുകൾ മാർച്ച് 3 ന് ആരംഭിക്കും. . മാർച്ച് 5 ന് മുംബൈയിൽ വെച്ചാണ് ഇരുവരുടെയും വിവാഹം. കഴിഞ്ഞ വർഷം ഓഗസ്റ്റിലായിരുന്നു വിവാഹനിശ്ചയം . കുടുംബാംഗങ്ങളും അടുത്ത സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്.
