കൊല്ലം:ശബരിമല സ്വര്ണക്കൊള്ള കേസിലെ മുഖ്യപ്രതി ഉണ്ണികൃഷ്ണന് പോറ്റിയുടെ ജാമ്യ ഹര്ജിയില് കൊല്ലം വിജിലന്സ് കോടതി വിധി വ്യാഴാഴ്ച.കട്ടിളപാളി കേസിലെ ജാമ്യാപേക്ഷയില് ഇന്ന് വാദം പൂര്ത്തിയായി.
കുറ്റപത്രം നല്കാന് വൈകിയതിനാല് രണ്ടാം കേസിലും സ്വാഭാവിക ജാമ്യം ലഭിച്ചേക്കും. ദ്വാരപാലകപാളി കേസില് നേരത്തെ ജാമ്യം നേടിയ പോറ്റി, കട്ടിളപാളി കേസിലും 90 ദിവസത്തെ ജയില് വാസത്തിന് പിന്നാലെയാണ് സ്വാഭാവിക ജാമ്യത്തിന് കോടതിയെ സമീപിച്ചത്. നേരത്തേ കേസില് അറസ്റ്റിലായ മുരാരിബാബു, ശ്രീകുമാര്, സുധീഷ് എന്നിവര്ക്ക് ജാമ്യം ലഭിച്ചിരുന്നു.
തെളിവുകള് ശേഖരിക്കുന്നതിലെ കാലതാമസം മൂലം കുറ്റപത്രം വൈകുന്നത് പ്രത്യേക അന്വേഷണ സംഘത്തിന്റെ വീഴ്ചയാണെന്നാണ് വിമര്ശനമുണ്ട്.തുടക്കത്തിലുള്ള വേഗത അന്വേഷണത്തില് ഇപ്പോഴില്ലെന്നാണ് ആക്ഷേപം.
