ന്യൂദല്‍ഹി: ഹിന്ദു രക്ഷാദള്‍ എന്ന സംഘടനയുടെ ഭാരവാഹികള്‍ സനാതനധര്‍മ്മത്തെ രക്ഷിക്കാന്‍ കണ്ടുപിടിച്ച വഴി മറ്റൊന്നാണ്. വിവാഹിതരായ ഹിന്ദു സ്ത്രീകള്‍ ഒന്നും രണ്ടും മൂന്നും കുട്ടികളെ പ്രസവിച്ചാല്‍ പോരാ, നാലും അഞ്ചും കുട്ടികളെ പ്രസവിക്കണമെന്ന് ഈ സംഘടനാനേതാക്കള്‍ ആഹ്വാനം ചെയ്യുന്ന വീഡിയോ പുറത്ത്.
चौथा बच्चा पैदा करने पर 21 हजार, पांचवां बच्चा पैदा करने पर 31 हजार रुपए हिन्दू रक्षा दल देगा : भूपेंद्र उर्फ पिंकी चौधरी, गाजियाबाद pic.twitter.com/I5sj5FW9dy
— Sachin Gupta (@Sachingupta) January 31, 2026
നാലാമത്തെ കുട്ടിയെ പ്രസവിക്കുന്ന ഹിന്ദുസ്ത്രീക്ക് 21000 രൂപ സമ്മാനമായി നല്‍കും. നാലാമത്തെ കുഞ്ഞിന് ജന്മം നല്‍കിയ ശേഷം ഹിന്ദു രക്ഷാദളിന്റെ ഓഫീസില്‍ എത്തിയാല്‍ ഉടനെ 21000 രൂപ നല്‍കും.
ഇനി അഞ്ചാമത്തെ കുഞ്ഞിന് ജന്മം നല്‍കിയാല്‍, തെളിവുമായി ചെന്നാല്‍ ലഭിയ്‌ക്കുക 31000 രൂപയാണ്. ഇത് വഴി മാത്രമേ നാളെ ന്യൂനപക്ഷമായേക്കാവുന്ന ഹിന്ദു സമുദായത്തെ രക്ഷിക്കാന്‍ കഴിയൂ എന്നും ഹിന്ദു രക്ഷാദള്‍ നേതാവ് പറയുന്നതായി കാണാം. പ്രസവിച്ചതിന്റെ തെളിവ് കാണിച്ചാല്‍ തുകയും വാങ്ങിപ്പോകാം.
ദല്‍ഹി ആസ്ഥാനമായി പ്രവര്‍ത്തിക്കുന്ന സംഘടനയുടെ മുഖ്യരക്ഷാധികാരി ഡോ. രാജേന്ദ്ര സിങ്ങ് ദല്‍വി ആണ്. മുഖ്യസംഘാടകന്‍ സര്‍ബജിത് റോയി ആണ്. ബി59, ഡിഫന്‍സ് കോളനി, ന്യൂദല്‍ഹി-110024 എന്നാണ് മേല്‍വിലാസം നല‍്കിയിരിക്കുന്നത്.
