കണ്ണൂര്:ധനരാജ് രക്തസാക്ഷി ഫണ്ടില് തട്ടിപ്പ് നടന്നെന്ന് പരസ്യമായി പറഞ്ഞ സി പി എം മുന് ജില്ലാ കമ്മിറ്റി അംഗം വി കൃഞ്ഞികൃഷ്ണനെ വിമര്ശിച്ച് സംസ്ഥാന സെക്രട്ടറി എംവി ഗോവിന്ദന്. ചിലര് ബൂര്ഷ്വാ മാധ്യമങ്ങളുമായി ചേര്ന്ന് പാര്ട്ടിയെ തകര്ക്കാന് ശ്രമിക്കുന്നു. എന്നാല് അവരോടു പറയാന് ഉള്ളത് പയ്യന്നൂര് ഒരു ദിവസം കൊണ്ട് ഉണ്ടായതല്ലെന്നാണ്.
പാര്ട്ടിക്കകത്ത് ചര്ച്ച ചെയ്തു തീരുമാനിച്ച കാര്യങ്ങളിലാണ് വി കുഞ്ഞികൃഷ്ണന്റെ വെളിപ്പെടുത്തല്. ഒറ്റുകാരനുള്ള മറുപടിയാണ് പയ്യന്നൂരിലെ ഈ ജനക്കൂട്ടം. എല്ലാ കമ്മ്യൂണിസ്റ്റ് വിരുദ്ധ ശക്തികളുടെ കോടാലി കയ്യുടെയും സ്ഥാനം ചവറ്റു കൊട്ടയിലാണ്- എം വി ഗോവിന്ദന് പറഞ്ഞു.
കുഞ്ഞികൃഷ്ണന്റെ അവസ്ഥയും ഇതായിരിക്കും. കുഞ്ഞികൃഷ്ണനെ ഉപയോഗിച്ച് പാര്ട്ടിയെ തോല്പ്പിക്കാമെന്ന് കരുതേണ്ടെന്നും എം വി ഗോവിന്ദന് പറഞ്ഞു. എല്ഡിഎഫിന്റെ ജനകീയ മുന്നേറ്റ ജാഥയില് സംസാരിക്കുകയായിരുന്നു സി പി എം സംസ്ഥാന സെക്രട്ടറി.
