ആലപ്പുഴ :അടിസ്ഥാനരഹിതമായ ആരോപണങ്ങള് തനിക്കെതിരെ ഉന്നയിച്ചെന്ന് കാട്ടി യൂത്ത് കോണ്ഗ്രസ് സംസ്ഥാന വര്ക്കിംഗ് പ്രസിഡന്റ് ബിനു ചുള്ളിയിലിനെതിരെ മന്ത്രി സജി ചെറിയാന് ചെങ്ങന്നൂര് പൊലീസില് പരാതി നല്കി. ആലപ്പുഴയില് യൂത്ത് കോണ്ഗ്രസ് യോഗത്തിലാണ് ബിനു ചുള്ളിയില് ആരോപണം ഉന്നയിച്ചത്.മന്ത്രി നല്കിയ പരാതിയില് പൊലീസ് നിയമ നടപടികള് ആരംഭിച്ചു. നിയമവിദഗ്ധരുമായി ആലോചിച്ച് മാനനഷ്ടക്കേസ് നല്കുമെന്ന് മന്ത്രിയുടെ ഓഫീസ് അറിയിച്ചു
ബിനു ചുള്ളിയില് തനിക്കെതിരെ നടത്തിയത് അടിസ്ഥാന രഹിതമായ ആരോപണങ്ങളെന്ന് സജി ചെറിയാന് പറഞ്ഞു. വിദ്വേഷം പടര്ത്തുന്ന പ്രസംഗത്തിനെതിരെ കര്ശന നടപടി സ്വീകരിക്കണമെന്ന് മന്ത്രി ആവശ്യപ്പെട്ടു.
ആലപ്പുഴയിലെ സിപിഎം നേതാവിനെതിരെ ഉയര്ന്ന ലഹരി കടത്ത് ആരോപണത്തിലായിരുന്നു ബിനുചുള്ളിയിലിന്റെ പരാമര്ശം.ലഹരിക്കടത്തില് സജി ചെറിയാനും പങ്കുണ്ടെന്നാണ് ബിനു ചുള്ളിയില് ആരോപണം ഉന്നയിച്ചത്.
