മുതിർന്ന പൗരന്മാർക്കുള്ള റയിൽവേ ടിക്കറ്റ് ഇളവ്; ഞായറാഴ്ചയറിയാം

ന്യൂദൽഹി: കൊവിഡ് 19 കാലത്ത് 2020 മാർച്ചിൽ നിർത്തിവച്ച, മുതിർന്ന പൗരന്മാർക്കുള്ള റയിൽവേ ടിക്കറ്റ് നിരക്കിളവ് പുനസ്ഥാപിക്കാൻ സാധ്യത. ഞായറാഴ്ചത്തെ കേന്ദ്ര ബജറ്റിൽ ഈ വിഷയത്തിൽ തീരുമാനം ഉണ്ടാകുമെന്നാണ് സൂചനകൾ.
ബജറ്റിന് മുന്നോടിയായി ധനമന്ത്രാലയവും റയിൽവേ മന്ത്രാലയവും ഈ വിഷയത്തിലുൾപ്പെടെ ചർച്ചകൾ നടന്നതായി റിപ്പോർട്ടുണ്ട്. അംഗീകാരം ലഭിച്ചാൽ, 60 വയസ്സും അതിൽ കൂടുതലുമുള്ള പുരുഷന്മാർക്കും 58 വയസ്സും അതിൽ കൂടുതലുമുള്ള സ്ത്രീകൾക്കും വീണ്ടും കിഴിവ് നിരക്കിൽ ട്രെയിൻ ടിക്കറ്റ് ലഭിക്കും.