തിരുവനന്തപുരം: മെയ് മാസം വരെ മാത്രം ആയുസുള്ള പിണറായി മന്ത്രിസഭ എങ്ങനെയാണ് ഒരു ഫുള്‍ ബജറ്റ് അവതരിപ്പിക്കുന്നത് ? ഇലക്ഷന്‍ കഴിഞ്ഞ് പുതിയ ഗവണ്‍മെന്റ് വരുമ്പോള്‍ അവര്‍ക്ക് ഇതൊന്നും ബാധകമല്ല. അവര്‍ പുതിയ ബജറ്റ് അവതരിപ്പിക്കും. അപ്പോള്‍ ഇതൊരു തട്ടിപ്പാണെന്ന് മുന്‍ ഡിജിപി ഡോ. ടി. പി സെന്‍കുമാര്‍ കുറ്റപ്പെടുത്തി.
സെന്‍കുമാറിന്റെ കുറിപ്പിന്‌റെ പൂര്‍ണ്ണരൂപം:
കേരള ബഡ്ജറ്റ് എന്ന തട്ടിപ്പ്. വോട്ട് ഓണ്‍ അക്കൗണ്ട് മാത്രം വേണം.
മെയ് മാസം വരെ മാത്രം ആയുസുള്ള പിണറായി മന്ത്രിസഭ എങ്ങനെയാണ് ഒരു ഫുള്‍ ബജറ്റ് അവതരിപ്പിക്കുന്നത് ?കാരണം ഇതിന് യാതൊരുവിധ സാധുതയുമില്ല. കാരണം ഇലക്ഷന്‍ വന്ന് പുതിയ ഗവണ്‍മെന്റ് വരുമ്പോള്‍ ആ പുതിയ ഗവണ്‍മെന്റിന് ഇതൊന്നും ബാധകമല്ല. അവര്‍ പുതിയ ബജറ്റ് അവതരിപ്പിക്കും. അപ്പോള്‍ ഇതൊരു തട്ടിപ്പാണ്. വോട്ട് ഓണ്‍ അക്കൗണ്ട് ആണ് വാസ്തവത്തില്‍ അവതരിപ്പിക്കേണ്ടത്.
ജനങ്ങളുടെ കണ്ണില്‍ പൊടിയിടുന്നതിന് ഫുള്‍ ബജറ്റ് അവതരിപ്പിച്ചു. ഒരിക്കലും ചെയ്യാന്‍ പറ്റാത്ത കാര്യങ്ങളൊക്കെ പ്രഖ്യാപിക്കുന്നതിനുള്ള ഒരു അവസരമായിട്ട് എടുക്കുന്നത് വളരെ തെറ്റായ ഒരു പ്രവണതയാണ്.അതുകൊണ്ട് ഈ കേരള ബജറ്റില്‍ യാതൊരുവിധ അസ്തിത്വവും കാണരുത് !
ഇത് തെറ്റായിട്ടുള്ള കാര്യങ്ങളാണ് പറയുന്നത്. അതുപോലെ തന്നെ മീഡിയ ഇതിന് കൊടുക്കുന്ന ഹൈപ്പ് !വളരെ തെറ്റാണ്. അവര്‍ കൃത്യമായി പറയുന്നില്ല ഇവിടെ ഒരു ഫുള്‍ ബജറ്റ് അല്ല വോട്ട് ഓണ്‍ ഓണ്‍ അക്കൗണ്ട് ആണ് വേണ്ടത് എന്ന്.കാരണം ഇത് ഇലക്ഷന്‍ ഇയര്‍ ആണ്. സര്‍ക്കാരിന് മേയ് 25 വരെയോ മറ്റോ കാലാവധി ഉള്ളു. അതിന് മുന്‍പ് എങ്ങനെയാണ് അവര്‍ അടുത്ത ഒരു ഫുള്‍ വര്‍ഷത്തേക്കുള്ള ബജറ്റ് അവതരിപ്പിക്കുന്നത് ?അത് അടുത്ത സര്‍ക്കാരിന്റെ അധികാരമാണ്.ഈ തട്ടിപ്പ് ജനങ്ങള്‍ മനസ്സിലാക്കണം
മെയ് വരെ ആയുസുള്ള പിണറായിമന്ത്രിസഭയുടെ ഫുള്‍ ബജറ്റ്: ഈ തട്ടിപ്പ് ജനങ്ങള്‍ മനസ്സിലാക്കണമെന്ന് സെന്‍കുമാര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.