ന്യൂഡൽഹി : രാജ്യം ഇന്ന് 77-ാമത് റിപ്പബ്ലിക് ദിനം ആഘോഷിക്കുകയാണ്. ന്യൂഡൽഹിയിലെ പരേഡിൽ പുതിയ റോക്കറ്റ് ലോഞ്ചർ സിസ്റ്റമായ സൂര്യാസ്ത്രയും, അടുത്തിടെ രൂപീകരിച്ച ഭൈരവ് ലൈറ്റ് കമാൻഡോ ബറ്റാലിയനും ഉൾപ്പെടും.
പഹല്ഗാം ഭീകരാക്രമണത്തെതുടര്ന്നുള്ള ഓപ്പറേഷന് സിന്ദൂറിന് ശേഷമുള്ള ആദ്യ റിപ്പബ്ലിക് ദിനാഘോഷമായതിനാല് ഇന്ത്യയുടെ സൈനിക ശക്തി ലോകത്തിന് മുന്നില് വിളിച്ചോതുന്ന വിധമാണ് സൈനിക പരേഡ് ക്രമീകരിച്ചിരിക്കുന്നത്.300 കിലോമീറ്റർ വരെ ഉപരിതലത്തിൽ നിന്ന് ഉപരിതലത്തിലേക്ക് ആക്രമണം നടത്താൻ കഴിവുള്ള യൂണിവേഴ്സൽ റോക്കറ്റ് ലോഞ്ചർ സിസ്റ്റമാണ് (URLS) സൂര്യ അസ്ത്ര
2025 ഒക്ടോബറിൽ രൂപീകരിക്കപ്പെട്ടതും ജനുവരി 15 ന് ജയ്പൂരിൽ നടന്ന ആർമി ഡേ പരേഡിൽ ആദ്യമായി പ്രത്യക്ഷപ്പെടുന്നതുമായ ഭൈരവ് ലൈറ്റ് കമാൻഡോ ബറ്റാലിയൻ ഇന്ത്യയുടെ പ്രതിരോധരംഗത്തെ കരുത്ത് വിളിച്ചറിയിക്കുന്നതാണ്.പീരങ്കി ഡ്രോണുകൾ, കൗണ്ടർ ഡ്രോണുകൾ, ലോയിറ്റർ യുദ്ധോപകരണങ്ങൾ എന്നിവയാൽ സജ്ജീകരിച്ച ശക്തിബൻ റെജിമെന്റുംആദ്യമായി പരേഡിൽ പങ്കെടുക്കും
ബ്രഹ്മോസ്, ആകാശ് മിസൈൽ സംവിധാനങ്ങൾ, മീഡിയം റേഞ്ച് സർഫസ്-ടു-എയർ മിസൈൽ (എംആർഎസ്എഎം) സംവിധാനങ്ങൾ, അഡ്വാൻസ്ഡ് ടോവ്ഡ് ആർട്ടിലറി ഗൺ സിസ്റ്റം (എടിഎടിജിഎസ്), ധനുഷ് ഹോവിറ്റ്സറുകൾ, ശക്തിബാൻ, മറ്റ് പ്രതിരോധ ഉപകരണങ്ങൾ എന്നിവ പ്രദർശിപ്പിക്കും. ഡൽഹി ഏരിയ ജനറൽ ഓഫീസർ കമാൻഡിംഗ് കമാൻഡിംഗ് ലെഫ്റ്റനന്റ് ജനറൽ ഭവനീഷ് കുമാറാണ് പരേഡിന് നേതൃത്വം നൽകുന്നത്. 6,000 പ്രതിരോധ ഉദ്യോഗസ്ഥരും പരേഡിൽ പങ്കെടുക്കും .
