നടനും മിമിക്രി താരവുമായ കണ്ണൻ സാഗറിന്റെ മകൻ പ്രവീൺ കണ്ണൻ വിവാഹിതനായി. റോഷൻ. എസ്. ജോണിയാണ് വധു. ചങ്ങനാശ്ശേരി സബ് രജിസ്ട്രാർ ഓഫീസിൽവച്ചാണ് ഇരുവരും നിയമപരമായി വിവഹാതിരായത്. വിവാഹ ചിത്രം കണ്ണൻ സാഗർ സമൂഹമധ്യമങ്ങളിൽ പങ്കുവച്ചു.
‘എന്റെ മക്കൾ ചങ്ങനാശ്ശേരി സബ് രജിസ്ട്രാർ ഓഫിസിൽ വച്ച് നിയമപരമായി ഒന്നായി. അവരുടെ ജീവിതത്തിലെ സുപ്രധാനമായ ഒരേട് തുറക്കപ്പെട്ടു. ഇനിയവർ ആയുരാരോഗ്യ സൗഖ്യമായി ജീവിതയാത്ര തുടരട്ടെ. പിന്തുണ നൽകി ഞങ്ങൾ മാതാപിതാക്കളും ബന്ധുജനങ്ങളും സഹപ്രവർത്തകരും സുഹൃത്തുക്കളും കൂടെയുണ്ടാവും. ഒപ്പം പ്രിയപ്പെട്ടവരുടേയും പ്രാർത്ഥനകൾ വേണം.’– എന്ന് കുറിച്ചുകൊണ്ടാണ് കണ്ണൻ സാഗർ വിവാഹചിത്രം പങ്കുവച്ചത്.
മകന്റെ വിവാഹത്തിനു ഒരു ദിവസം മുൻപ് ഉപദേശങ്ങളും അനുഗ്രഹങ്ങളും നൽകിക്കൊണ്ട് കണ്ണൻ പോസ്റ്റ് പങ്കുവച്ചിരുന്നു. ഒന്നിച്ച് ജോലിചെയ്തവർ ഒന്നിക്കുവാനുള്ള തീരുമാനത്തെ അഭിനന്ദിക്കുന്നു . മക്കളുടെ ആഗ്രഹത്തിന് അപ്പുറം മാതാപിതാക്കൾക്ക് രണ്ടാമതൊന്നു ചിന്തിക്കേണ്ടാ അവർ നല്ലതേ തിരഞ്ഞെടുക്കൂ എന്ന ബോധ്യവും ആത്മവിശ്വാസവും മാത്രമാണ് ഒരുറപ്പ് സ്വപ്നങ്ങൾക്ക് പുറകേ ആഗ്രഹങ്ങൾക്ക് പിന്നാലെ ദീർഘവീക്ഷണം മുന്നിട്ടും നിൽക്കണം തീരുമാനങ്ങൾ മുറുകെ പിടിക്കണം പിന്നെല്ലാം വിധികൾക്ക് വിട്ടുകൊടുക്കാമെന്നും കണ്ണൻ ഫേസ്ബുക്ക് പോസ്റ്റിൽ കുറിച്ചു.
