തിരുവനന്തപുരം : തദ്ദേശ സ്ഥാപനങ്ങളിലേയ്ക്കുള്ള തെരഞ്ഞെടുപ്പിലെ പരാജയത്തോടെ അടിതെറ്റി നിൽക്കുകയാണ് സിപിഎം . അതുകൊണ്ട് തന്നെയാണ് ഗൃഹസമ്പർക്കം എന്ന പതിനെട്ടാം അടവുമായി പാർട്ടി രംഗത്തെത്തിയിരിക്കുന്നത് . വീട്ടുകാരോട് നയത്തിൽ പെരുമാറണമെന്ന് തുടങ്ങി വീട്ടുകാർക്ക് ചില്ലറ സഹായങ്ങളും ചെയ്ത് നൽകണമെന്നാണ് മുതിർന്ന പാർട്ടി നേതാക്കന്മാരുടെ നിർദേശം . വെള്ളം കോരുക , തുണി അലക്കുക , പശുവിനെ കുളിപ്പിക്കുക തുടങ്ങി പാത്രം കഴുകുന്നത് വരെ അതിൽ ഉൾപ്പെടും .
ഇപ്പോൾ പാർട്ടിയുടെ അഖിലേന്ത്യാ നേതാവ് തന്നെ ഈ ജോലികൾ തുടങ്ങി വച്ചിട്ടുമുണ്ട് . പാർട്ടി ജനറൽ സെക്രട്ടറി എം എ ബേബിയാണ് ഗൃഹസമ്പർക്കത്തിന്റെ ഭാഗമായി ഒരു വീട്ടിൽ കയറി വീട്ടമ്മയ്ക്ക് പാത്രം കഴുകി നൽകിയത് . അതിന്റെ ദൃശ്യങ്ങളും പുറത്ത് വന്നിട്ടുണ്ട്. പലരും പല രീതിയിലാണ് ഇതിനോട് പ്രതികരിക്കുന്നത് .
പ്രസംഗം കൊണ്ട് നേതാവാകാം, പക്ഷേ പ്രവൃത്തി കൊണ്ട് മാത്രമേ ജനനായകനാകാൻ കഴിയൂവെന്ന് പറഞ്ഞ് സഖാക്കൾ ഇതിനെ പുകഴ്ത്തുമ്പോൾ 10 വർഷം കേരളം ഭരിച്ച സർക്കാരിന്റെ അവസ്ഥയണിതെന്നാണ് ചിലർ പറയുന്നത് . ബംഗാളിലെ സഖാക്കൾ കേരളത്തിൽ പൊറോട്ട അടിക്കാൻ നിൽക്കുന്ന അവസ്ഥയിലേക്ക് പോകുന്നതിനു മുമ്പ് അതിനൊരു പരിശീലനവുമായി കണ്ടാൽ മതിയെന്നും ചിലർ പറയുന്നു.
