തിരുവനന്തപുരം: ആര്‍എസ് എസ് എന്ന ഉപ്പുള്ളപ്പോല്‍ ഉപ്പിലിട്ട ശിവസേനയെ ആര്‍ക്കും ആവശ്യമില്ലാതായി. ഇനി മറാത്ത വികാരം പറഞ്ഞതുകൊണ്ടൊന്നും ഉദ്ധവ് താക്കറെയുടെ ശിവസേനയ്ക്ക് പിടിച്ചുനില്‍ക്കാനാവില്ല. എന്തായാലും ഇനി ശിവസേനയുടെ പ്രസക്തി നഷ്ടമായിക്കഴിഞ്ഞുവെന്ന് മഹാരാഷ്‌ട്ര മുനിസിപ്പല്‍ തെരഞ്ഞെടുപ്പ് തെളിയിച്ചിരിക്കുന്നു. – സാമൂഹ്യനിരീക്ഷകനായ ഫക്രുദ്ദീന്‍ അലി പറഞ്ഞു.
കോണ്‍ഗ്രസിന്റെ അപ്രമാദിത്വമുണ്ടായ കാലത്ത് ഉയര്‍ന്നുവന്ന ശക്തിയായിരുന്നു ബാല്‍ താക്കറെയുടെ ശിവസേന. പക്ഷെ ഇന്ന് അതിന്റെ പ്രസക്തി നഷ്ടമായിക്കഴിഞ്ഞു. ഫക്രുദ്ദീന്‍ അലി പറഞ്ഞു.
വരദരാജ മുതലിയാര്‍, ഹാജി മസ്താന്‍ എന്നീ അധോലോകരാജാക്കന്മാര്‍ക്ക് ശേഷം മുംബൈ ഭരിച്ച പത്താന്‍ കാരനായ കരിംലാല ക്രൂരനായിരുന്നു. ഈ കരിംലാലയെ നേരിട്ട ആളായിരുന്നു ദാവൂദ് ഇബ്രാഹിം. മുംബൈയിലെ ഒരു പൊലീസുദ്യോഗസ്ഥന്റെ മകനായിരുന്നു ദാവൂദ് ഇബ്രാഹിം. മുംബൈ പൊലീസിലെ ചിലരുടെ സഹായത്തോടെയാണ് ദാവൂദ് മുംബൈ ഭരിച്ചത്. എന്നാല്‍ അതേ സമയം അവിടെ മറാത്തികള്‍ക്കും ഹിന്ദുക്കള്‍ക്കും കുറെ പ്രശ്നങ്ങളുണ്ടായി. ഈ മറാത്തക്കാരുടെയും ഹിന്ദുക്കളുടെയും പ്രശ്നം അഭിസംബോധന ചെയ്താണ് ബാല്‍ താക്കറെ അവിടെ ഉയര്‍ന്നുവരുന്നത്. അന്ന് ആര്‍എസ്എസ് ബാല്‍ താക്കറെയെ പിന്തുണച്ചിരുന്നു. ഇതാണ് ബാല്‍താക്കറെയുടെ സത്വരമായ വളര്‍ച്ചയ്‌ക്ക് ആക്കം കൂട്ടിയത്. 1980 മുതല്‍ ഇന്ത്യ ഭരിച്ചിരുന്ന കോണ്‍ഗ്രസും ബാല്‍ താക്കറെയുടെ വളര്‍ച്ചയെ പ്രോത്സാഹിപ്പിച്ചിരുന്നു. സമ്പന്നമായ മുംബൈ മുനിസിപ്പല്‍ കോര്‍പറേഷനിലെ ഭരണം ശിവസേന പിടിച്ചതോടെ ബാല്‍ താക്കറെയുടെ പ്രസക്തി വര്‍ധിച്ചു. -ഫക്രുദ്ദീന്‍ അലി പറഞ്ഞു.
എന്നാല്‍ വാജ് പേയി വന്നതോടെ ബിജെപി ദേശീയ തലത്തില്‍ വലിയൊരു ശക്തമായി. മോദിയുടെ കാലം എത്തിയതോടെ ശിവസേനയ്ക്ക് പ്രസക്തി നഷ്ടമായി. മോദി എന്ന പേര് തന്നെ മഹാരാഷ്‌ട്രയിലെ ഹിന്ദുക്കളെ പ്രചോദിപ്പിച്ചു. അയോധ്യ ക്ഷേത്രം പണിയുമെന്ന് പറഞ്ഞ് അത് നടപ്പാക്കിയ നേതാവായ മോദി മഹാരാഷ്‌ട്രയില്‍ തരംഗമായി. ആര്‍എസ്എസ് ബിജെപിയ്‌ക്ക് പിന്നില്‍ നിന്നതോടെ ശിവസേന ദുര്‍ബലമായിത്തുടങ്ങി. ആര്‍എസ്എസിന്റെ അടിത്തറയാണ് മഹാരാഷ്‌ട്രയില്‍ ബിജെപിയെ വളര്‍ത്തിയത്. -ഫക്രുദ്ദീന്‍ അലി പറഞ്ഞു.
