ശങ്കര ദാസും അറസ്റ്റിലായി, പ്രതിസ്ഥാനം പിന്നീടറിയാം; അറസ്റ്റ് മകര വിളക്ക് ദിനത്തിൽ

തിരുവനന്തപുരം: മകരവിളക്ക് ദിവസമായ ഇന്ന്, ശബരിമല സ്വർണ്ണപ്പാളിക്കേസിൽ ദേവസ്വംബോർഡ് മുൻ അംഗം കെ.പി. ശങ്കരദാസിനെ അറസ്റ്റ് ചെയ്തു. ശബരിമലയിലെ പല കേസുകളിൽ പ്രധാനപ്രതിയാകേണ്ട ശങ്കരദാസ് അസുഖ ബാധയ്‌ക്ക് ചികിത്സയിലാണെന്ന കാരണത്താൽ അറസറ്റിൽനിന്ന് രക്ഷപ്പെട്ടുനിൽക്കുകയായിരുന്നു. ഇന്ന് എസ്‌ഐടി സംഘവും മജിസ്‌ട്രേറ്റും തിരുവനന്തപുരത്തെ സ്വകാര്യ ആശുപത്രിയിലെത്തി ശങ്കര ദാസിനെ അറസ്റ്റ് ചെയ്തു. ഐസിയുവിൽനിന്ന് ആശുപത്രിമുറിയിലേക്ക് മാറ്റിയതിനെ തുടർന്നായിരുന്നു അറസ്റ്റ്. കേസിൽ പന്ത്രണ്ടാം പ്രതിയാണ് ശങ്കർ ദാസ്. .