തൃശൂർ: ഓടിക്കൊണ്ടിരിക്കുന്ന ട്രെയിനിന് മുകളിൽ ഇതര സംസ്ഥാന തൊഴിലാളിയായ യുവാവിന്റെ അഭ്യാസ പ്രകടനം. ഗുരുവായൂർ- എറണാകുളം പാസഞ്ചർ ട്രെയിൻ തൃശ്ശൂർ പുതുക്കാട് സ്റ്റേഷൻ പിന്നിട്ടപ്പോഴാണ് സംഭവമുണ്ടായത്.
പുതുക്കാട് സ്റ്റേഷന് സമീപം ട്രെയിൻ വേഗത കുറച്ചിരുന്നു. ഇതിനിടെയാണ് യുവാവ് ട്രെയിന് മുകളിൽ ചാടിക്കയറിയത്. വൈദ്യുതി കമ്പിയിൽ കയറിപ്പിടിക്കാനും ഇയാൾ ശ്രമിച്ചു. ഝാർഖണ്ഡിൽ പോകണമെന്നും വണ്ടി വഴി തിരിച്ചുവിടണമെന്നും പറഞ്ഞാണ് യുവാവ് ബഹളം വെച്ചത്. തുടർന്ന് വണ്ടി തൃശ്ശൂർ റെയിൽവേ സ്റ്റേഷന് സമീപം പിടിച്ചിട്ടു. പിന്നീട് പോലീസ് ഉദ്യോഗസ്ഥരും നാട്ടുകാരും ചേർന്ന് യുവാവിനെ അനുനയിപ്പിച്ച് താഴെയിറക്കി.
യുവാവ് മാനസിക വെല്ലുവിളി നേരിടുന്നയാളെന്ന് പൊലീസ് പറഞ്ഞു.
