ഓസ്ട്രേലിയയിൽ അവധിക്കാലം ആഘോഷിക്കുന്ന ചിത്രങ്ങള് നടി കാവ്യ മാധവൻ സോഷ്യൽ മീഡിയയിൽ പങ്കുവച്ചത് ഇതിനോടകം വൈറലാണ്. മകൾക്കും സഹോദരൻ മിഥുൻ മാധവന്റെ മക്കൾക്കുമൊപ്പമുള്ള കാവ്യയുടെ ചിത്രങ്ങൾ ആരാധകർ ഏറ്റെടുത്തു.ജീൻസും ഷർട്ടും തൊപ്പിയും കൂളിംഗ് ഗ്ലാസും ധരിച്ചിട്ടുള്ള ഒരു ചിത്രമാണ് നടി ആദ്യം പങ്കുവെച്ചത്. പൊതുവെ സാരിയിലും ചുരിദാറിലും കാണാപ്പെടുന്ന താരത്തെ സറ്റൈലിഷ് ലുക്കിൽ കണ്ടതിന്റെ സന്തോഷത്തിലാണ് ആരാധകർ.
മകൾ മഹാലക്ഷ്മിയേയും ചേട്ടന്റെ മക്കളേയും ചേർത്ത് പിടിച്ചുകൊണ്ടുള്ള മറ്റൊരു ചിത്രവും താരം പങ്കിട്ടുണ്ട്. നിരവധി പേരാണ് ചിത്രങ്ങൾക്ക് താഴെ സ്നേഹം പങ്കുവെച്ച് എത്തുന്നത്. അതേസമയം പതിവ് പോലെ തന്നെ കാവ്യയുടെ പോസ്റ്റിന് താഴെ നെഗറ്റീവ് കമൻ്റുകളും നിറയുന്നുണ്ട്.
‘എവിടെ പോയാലും മനസ്സമാധാനം കിട്ടുമോ ? കുറ്റബോധം അത് മനസ്സിനെ അലട്ടിക്കൊണ്ടേ ഇരിക്കും’ എന്നാണ് ഒരാൾ കമന്റിട്ടത്. ആക്ഷേപ പരാമർശങ്ങൾ നിറഞ്ഞ വേറെയും നിരവധി കമന്റുകളുണ്ട്. മഞ്ജു ആകാൻ ശ്രമിക്കേണ്ട, ആ റേഞ്ച് പിടിക്കാൻ കാവ്യ പത്ത് വട്ടം ജനിക്കണം എന്നാണ് മറ്റൊരു ആക്ഷേപം.എങ്ങനെയൊക്കെ പോസ് ചെയ്താലും മഞ്ജുവിന്റെ പരിസരത്ത് പോലും എത്തില്ലെന്നാണ് വേറൊരു കമൻ്റ്.അതേ സമയം കാവ്യയെ പിന്തുണച്ചും ഒരു വലിയ വിഭാഗം എത്തുന്നുണ്ട്.
‘ആരൊക്കെ എന്തൊക്കെ പറഞ്ഞാലും കാവ്യയെ തോൽപ്പിക്കാൻ മറ്റൊരു നടിയും രംഗത്ത് എത്തിയിട്ടില്ല’, ‘നൈസ് കാവ്യ ചേച്ചീ, ഞാൻ ചേച്ചിയുടെ ഫാൻ ഗേൾ ആണ് കേട്ടോ. ചെറുപ്പം മുതൽ ഇഷ്ടമാ എനിക്ക്’ എന്നിങ്ങനെ കാവ്യയുടെ ആരാധകരും കമന്റുകളുമായി എത്തുന്നുണ്ട്.
