കൊച്ചി: രാഹുല്‍ മാങ്കൂട്ടത്തില്‍ എംഎല്‍എ പ്രതി സ്ഥാനത്തുളള പീഡനക്കേസിലെ അതിജീവിത ഹര്‍ജി യുമായി ഹൈക്കോടതിയില്‍. ആദ്യ കേസിലെ മുന്‍കൂര്‍ ജാമ്യഹര്‍ജി ബുധനാഴ്ച പരിഗണിക്കാനിരിക്കെയാണ് ഇത്.
മുന്‍കൂര്‍ ജാമ്യ ഹര്‍ജിയില്‍ തീരുമാനമെടുക്കും മുമ്പ് തന്നെ കേള്‍ക്കണം. തന്നെയും ഹര്‍ജിയില്‍ കക്ഷി ചേര്‍ക്കണമെന്നാണ് അതിജീവിതയുടെ ആവശ്യം. വലിയ സൈബര്‍ ആക്രമണം നേരിടേണ്ടിവരുന്നു.
അതിനിടെ,തന്റെ കുടുംബജീവിതം തകര്‍ത്തത് രാഹുല്‍ മാങ്കൂട്ടമാണെന്ന് ആരോപിച്ച് പരാതി നല്‍കിയിട്ടും നടപടി സ്വീകരിക്കാത്തത് എന്തുകൊണ്ടാണെന്ന് മുഖ്യമന്ത്രി വ്യക്തമാക്കണമെന്ന് അതിജീവിതയുടെ ഭര്‍ത്താവ് ആവശ്യപ്പെട്ടു.മുഖ്യമന്ത്രിക്കും ഡിജിപിക്കും കഴിഞ്ഞ രണ്ടിനാണ് പരാതി നല്‍കിയത്.എന്നാല്‍ ഇതുവരെയും നടപടി ഉണ്ടായിട്ടില്ലെന്നത് ഖേദകരമാണ്.
