ന്യൂദല്‍ഹി: ശബരിമലയിലെ സ്വര്‍ണ്ണപ്പാളി മോഷണം പോയതുമായി ബന്ധപ്പെട്ട അന്വേഷണം മുന്‍ദേവസ്വം മന്ത്രിയായിരുന്ന കടകം പള്ളിയില്‍ എത്തിനില്‍ക്കെ, കടകം പള്ളിയുടെ ഇറ്റലിയിലേക്കുള്ള യാത്ര വിവാദത്തിലാണ്. എന്തിനാണ് കടകംപള്ളി ഇറ്റലിയിലേക്ക് പോയത് എന്നതിനെക്കുറിച്ച് ഇനിയും വ്യക്തമായ വിവരം പുറത്തുവന്നിട്ടില്ല.
അതിനിടെയാണ് സമൂഹമാധ്യമങ്ങളില്‍ ചില രസകരമായ പരിഹാസങ്ങള്‍ ഉയരുന്നുണ്ട്. സോണിയാഗാന്ധിയുടെ വീട്ടില്‍ പോറ്റി സന്ദര്‍ശനം നടത്തിയതിനെ മുറുകെപ്പിടിച്ച് ഇടത് പക്ഷം കോണ്‍ഗ്രസിനെ കടന്നാക്രമിച്ചുകൊണ്ടിരിക്കുകയാണ്. പോറ്റി സോണിയയെ കണ്ടപ്പോള്‍ ബെല്ലാരി ഗോവര്‍ധനും പങ്കജ് ഭണ്ഡാരിയും ഒപ്പമുണ്ടായിരുന്നുവെന്നും ഇവര്‍ എങ്ങിനെ സോണിയയുടെ അടുത്ത് എത്തി എന്ന ചോദ്യവും ജോണ്‍ ബ്രിട്ടാസ് ഉയര്‍ത്തിയിരിക്കുകയാണ്. യാദൃച്ഛികമായി സോണിയയുടെ വീട്ടില്‍ പോയപ്പോള്‍ പോറ്റിയെ കണ്ടു എന്ന അടൂര്‍ പ്രകാശിന്റെ പ്രസ്താവന പച്ചക്കള്ളമാണെന്നും ജോണ്‍ ബ്രിട്ടാസ് പറയുന്നു.
മുതിര്‍ന്ന കോണ്‍ഗ്രസ് നേതാക്കള്‍ക്ക് പോലും സോണിയാഗാന്ധിയുടെ അപ്പോയിന്‍റ് മെന്‍റ് കിട്ടില്ലെന്നിരിക്കെ പോററിയും ഗോവര്‍ധനും ഭണ്ഡാരിയും എങ്ങിനെ അവിടെ എത്തിയെന്നും ജോണ്‍ ബ്രിട്ടാസ് ചോദിക്കുന്നു. ഇതുവരെയും കോണ്‍ഗ്രസ് ഹൈക്കമാന്‍റോ സോണിയാഗാന്ധിയോ ഈ വിഷയത്തില്‍ പ്രതികരിച്ചിട്ടില്ലെന്നും ബ്രിട്ടാസ് പറയുന്നു.
ഇതോടെയാണ് ബ്ലിറ്റ്സ് ഓണ്‍ലൈന്‍ മാസികയില്‍ വന്ന ഒരു ലേഖനം ചര്‍ച്ചാവിഷയമാകുന്നത്. ഇറ്റലിയിലെ ടൂറിന്‍ നഗരത്തിന് അടുത്തുള്ള ഇന്ത്യയിലെ പുരാതനവിഗ്രഹങ്ങളുടെ കള്ളക്കടത്ത് കേന്ദ്രമായ ഒര്‍ബസ്സാനോ എന്ന പട്ടണത്തെക്കുറിച്ച് പരാമര്‍ശിക്കുന്നതാണ് ഈ ലേഖനം. വിഗ്രഹക്കള്ളക്കടത്തിന്റെ ഇടനിലക്കാരുടെ വിഹാരകേന്ദ്രമായാണ് ഇറ്റലിയിലെ ഒര്‍ബസാനോ എന്ന പട്ടണം അറിയപ്പെടുന്നത്. സോണിയഗാന്ധിയുടെ കുടുംബക്കാര്‍ ഇവിടെ നിന്നുള്ളവരാണ്. സോണിയ ഇവിടെ ധാരാളമായി ബാല്യകാലം ചെലവഴിച്ചിട്ടുണ്ടെന്നും ബ്ലിറ്റ്സിലെ ലേഖനത്തില്‍ പറയുന്നു. ടൂറിന്‍ എന്ന ഇറ്റലിയെ പ്രസിദ്ധനഗരത്തിന് അടുത്തുള്ള പട്ടണമാണ് ഒര്‍ബസാനോ.
എളിയനിലയിലായിരുന്നുവത്രെ സോണിയയുടെ ബാല്യകാലം. പിന്നീട് 1968ല്‍ രാജീവ് ഗാന്ധിയെ കണ്ടുമുട്ടിയതോടെയാണ് സോണിയയുടെ ജീവിതം മാറിമറിയുന്നത്. ഭൂതകാലത്തിലെ എളിയജീവിതത്തിന് പകരം അതിസമ്പന്നവും അധികാരത്തിന്റെ കേന്ദ്രവും ആയി മാറി അവരുടെ ജീവിതം. ഈ ഒര്‍ബസാനോയില്‍ ഇപ്പോഴും സോണിയ ഗാന്ധിയ്‌ക്ക് സ്വന്തമായി ഒരു ലക്ഷ്വറി മാളികള്ളതായും പറയപ്പെടുന്നു. ബ്ലിറ്റ്സിലെ.സാല ഉദ്ദിന്‍ ഷൊഹൈബ് ചൗധരി ബ്ലിറ്റ്സ് മാസികയില്‍ എഴുതിയ ലേഖനത്തിലാണ് ഒര്‍ബസാനോ എന്ന ഇറ്റലിയിലെ വിചിത്രമായ ഈ പട്ടണത്തെക്കുറിച്ച് വിശദമായി പറയുന്നത്. . 2024 ആഗസ്ത് 21നാണ് ഈ ലേഖനം ബ്ലിറ്റ്സ് പ്രസിദ്ധീകരിച്ചത്. കടകംപള്ളി തന്റെ ഇറ്റലിയിലേക്കുള്ള യാത്രയ്‌ക്കിടയില്‍ ഒര്‍ബസാനോ വഴിയെങ്ങാനും പോയോ എന്ന പരിഹാസച്ചോദ്യം ചിലര്‍ ഉയര്‍ത്തുന്നുണ്ട്. എന്തായാലും പോറ്റിയുടെ ശബരിമല സ്വര്‍ണ്ണപ്പാളി മോഷണവും കടകംപള്ളിയുടെ ഇറ്റലിയിലേക്കുള്ള യാത്രയും വിവാദമാവുകയാണ്. കടകം പള്ളിയുടെ ഇറ്റലിയിലേക്കുള്ള യാത്രയുടെ വിശദാംശങ്ങള്‍ അന്വേഷണോദ്യോഗസ്ഥര്‍ പരിശോധിച്ചുവരികയാണ്.
