തിരുവനന്തപുരം: ശബരിമല സ്വര്ണക്കൊള്ള കേസില് തെറ്റ് ചെയ്തവര്ക്കെതിരെ പാര്ട്ടി നടപടിയെടുക്കുമന്ന് സിപിഎം ജനറല് സെക്രട്ടറി എം.എ.ബേബി. പോറ്റി പാരഡി മ്ലേച്ഛമാണ് .
സ്വര്ണക്കൊളള കേസില് കോണ്ഗ്രസ് നേതാവ് സോണിയ ഗാന്ധിക്ക് നേരെ വിരല് ചൂണ്ടാനില്ലെന്നും എം എ ബേബി വ്യക്തമാക്കി. എന്നാല് പോറ്റി എങ്ങനെ സോണിയാ ഗാന്ധിയെ കണ്ടു എന്നും അദ്ദേഹം ചോദിച്ചു. വെള്ളാപ്പള്ളി നടേശന് മുസ്ലീം വിരുദ്ധ പരാമര്ശം നടത്തിയെന്ന ആരോപണത്തില് അസ്വീകാര്യമായതിനെ തള്ളുമെന്ന് എംഎ ബേബി പറഞ്ഞു.
തദ്ദേശ തെരഞ്ഞെടുപ്പില് എല്ഡിഎഫ് പരാജയം ഖത്തര് ലോകകപ്പില് ജേതാക്കളായ അര്ജന്റീയുടെ പ്രകടനത്തോടാണ് എംഎ ബേബി ഉപമിച്ചത്. ലോകകപ്പില് ഗ്രൂപ്പ് ഘട്ടത്തിലെ ആദ്യ മത്സരം തോറ്റപ്പോള് അര്ജന്റീനയെ എല്ലാവരും വിമര്ശിച്ചു. എന്നാല് പിന്നീട് എന്താണ് ഉണ്ടായതെന്ന് ലോകം കണ്ടതാണ്. സമാനമായി ഇടതുമുന്നണി തിരിച്ചുവരുമെന്നും എം എ ബേബി തിരുവനന്തപുരത്ത് പറഞ്ഞു.
