എരുമേലി: ശബരിമല തീര്ഥാടകരുമായെത്തിയ ബസ് ഡ്രൈവര് മരിച്ച നിലയില്. എരുമേലി ഗ്രൗണ്ടില് പാര്ക്ക് ചെയ്തിരുന്ന ബസിന് അടിയിലാണ് തമിഴ്നാട് സ്വദേശി പുതുക്കോട്ട സ്വദേശി പ്രശാന്ത് (28) നെ മരിച്ച നിലയില് കണ്ടെത്തിയത്.
ബുധനാഴ്ച ഉച്ചതിരിഞ്ഞ് 3.15 ഓടെ എരുമേലി പൊലീസ് സ്റ്റേഷന് സമീപം റോഡരികിലുള്ള ചെറിയ പാര്ക്കിംഗ് ഗ്രൗണ്ടിലാണ് സംഭവം. സംഭവത്തില് ദുരൂഹത ഇല്ലെന്ന് പൊലീസ് പറഞ്ഞു.ആസ്ത്മ രോഗം വഷളായതിനാല് കുഴഞ്ഞു വീണ് മരിച്ചതെന്നാണ് പ്രാഥമിക നിഗമനം.യുവാവിനെ മൂക്കില് നിന്നും വായില് നിന്നും രക്തം വാര്ന്ന് അബോധാവസ്ഥയില് കണ്ടെത്തിയ തീര്ഥാടകര് ഉടന് പൊലീസില് വിവരം അറിയിച്ചു.
പൊലീസ് സ്ഥലത്തെത്തി ഇയാളെ ഉടന് തന്നെ എരുമേലി സര്ക്കാര് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. പ്രശാന്ത് ആസ്ത്മ രോഗിയാണെന്ന് കുടുംബം പൊലീസിനോട് പറഞ്ഞു.
