കോട്ടയം: വനിതാ ഡോക്ടറുടെ വീട്ടില് അതിക്രമിച്ചു കയറി കാറിന് തീയിട്ട കേസിലെ പ്രതികള് പാമ്പാടി പോലീസിന്റെ പിടിയിലായി. എറണാകുളം സ്വദേശി അഭിജിത്(25),ഇടുക്കി സ്വദേശി അജിത് കെ ഷിബു (19) എന്നിവരാണ് പിടിയിലായത്. 26 ന് രാത്രി പാമ്പാടി കുന്നേപ്പാലം ഭാഗത്തുള്ള പടിഞ്ഞാറേ കാലായിലുള്ള വനിതാ ഡോക്ടറുടെ വീട്ടില് അതിക്രമിച്ചു കയറി
കാറിന് തീയിട്ട സംഭവത്തിലാണ് അറസ്റ്റ്.
ഒളിവില് പോയ പ്രതികളെ പാമ്പാടി എസ്എച്ച്ഒ വിപിന്റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. കോട്ടയം കാരിത്താസ് ആശുപത്രിക്കു സമീപം മാരകായുധവുമായി നിന്നിരുന്ന ഒന്നാം പ്രതി അഭിജിത്തിനെ സാഹസികമായാണ് പൊലീസ് കീഴ്പ്പെടുത്തിയത്. രണ്ടാംപ്രതി അജിത്തിനെ ഇടുക്കി ജില്ലയിലെ കൊന്നത്തടിയില് നിന്നും അറസ്റ്റ് ചെയ്തു. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
