തിരുവനന്തപുരം: അന്തരിച്ച ശ്രീനിവാസന് വേണ്ടി അദ്ദേഹത്തിന്റെ വീട്ടില്‍ ഇടിച്ചുകയറിച്ചെന്ന് അന്ത്യകര്‍മ്മങ്ങള്‍ ചെയ്ത സുനില്‍ സ്വാമിയെക്കുറിച്ച് വിമര്‍ശനങ്ങള്‍ ഉയരുകയാണ്. ഇപ്പോഴിതാ ഈ സുനില്‍ സ്വാമി നടി ശ്രീവിദ്യയെ സാമ്പത്തികമായി വഞ്ചിച്ചതായുള്ള വിമര്‍ശനം ഉയര്ത്തുകയാണ് സുനില്‍ പരമേശ്വരന്‍.
മക്കളായ ധ്യാന്‍ ശ്രീനിവാസനും വിനീത് ശ്രീനിവാസനും ദുഖകരമായ മാനസികാവസ്ഥയില്‍ ആയിരുന്നതുകൊണ്ടായിരിക്കണം സുനില്‍ സ്വാമിയ്‌ക്കെതിരെ അന്ന് പ്രതികരിക്കാതിരുന്നത്. കാഷായം ധരിച്ച് തട്ടിപ്പു നടത്തുന്നവര്‍ക്കെതിരെ സംസാരിച്ചയാളാണ് നടന്‍ ശ്രീനിവാസൻ. അങ്ങനെയുള്ള വ്യക്തി മരിച്ചപ്പോഴാണ് സ്വാമി വേഷം കെട്ടിയ ഒരുത്തൻ അവിടെ വന്നത്.- സുനില്‍ പരമേശ്വരന്‍ വിമര്‍ശിക്കുന്നു.
ആത്മീയത വിറ്റ് ജീവിക്കുന്ന ഈ സ്വാമിയെക്കുറിച്ച് നടി ശ്രീവിദ്യ പറഞ്ഞിട്ടുള്ള ചില കാര്യങ്ങളുണ്ടെന്നും അത് കേട്ടാല്‍ നടുങ്ങിപ്പോകുമെന്നും ശ്രീവിദ്യയുടെ ശാപത്തില്‍ നിന്നും സ്വാമിക്ക് കരകയറാൻ പറ്റില്ലെന്നും സുനിൽ പരമേശ്വരൻ ചൂണ്ടിക്കാട്ടുന്നു.
രോഗാവസ്ഥയിലുള്ള ശ്രീവിദ്യയെ ഈ സ്വാമി ചൂഷണം ചെയ്തു. അയാള്‍ അതിന് അനുഭവിക്കും എന്നും ശ്രീവിദ്യ തന്നോട് പറഞ്ഞിരുന്നെന്നും സുനില്‍ പരമേശ്വരന്‍ പറയുന്നു. അതുകൊണ്ടാണ് ആ സ്വാമി വർഷങ്ങൾക്ക് ശേഷം കാരാഗൃഹത്തിലായത്. അത് ശ്രീവിദ്യയുടെ ശാപമാണ്. ആ ശാപത്തിൽ നിന്നും രക്ഷയില്ല. ശ്രീവിദ്യയുടെ രോഗാവസ്ഥയെ ചൂഷണം ചെയ്ത് ഇയാൾ പണമുണ്ടാക്കുകയായിരുന്നു. – സുനില്‍ പരമേശ്വരന്‍ പറയുന്നു.
