തിരുവനന്തപുരം: സാങ്കേതിക സര്വകലാശാലയിലെ ബോര്ഡ് ഓഫ് ഗവര്ണേഴ്സില് ചാന്സലര് കൂടിയായ ഗവര്ണര് രാജേന്ദ്ര വിശ്വനാഥ് ആര്ലേക്കര് പങ്കെടുത്തു.
കഴിഞ്ഞതവണ ബോര്ഡ് ഓഫ് ഗവര്ണേഴ്സില് പങ്കെടുക്കാന് ഗവര്ണര് എത്തിയപ്പോള് വിട്ടുനിന്ന എംഎല്എമാരും ഉന്നത ഉദ്യോഗസ്ഥരും ഇത്തവണ ഊഷ്മള സ്വീകരണം ഒരുക്കി. ഡോ. സിസ തോമസിനെ ചാന്സലറായി നിയമിച്ച ശേഷമുള്ള ആദ്യ ബോര്ഡ് ഓഫ് ഗവര്ണേഴ്സില് ഒന്പത് മാസം വൈകിയ ബജറ്റും പാസാക്കി.
ഇന്നലെ രാവിലെ 10ന് സാങ്കേതിക സര്വകലാശാല ആസ്ഥാനത്ത് എത്തിയ ഗവര്ണറെ വിസി ഡോ. സിസ തോമസും ഐ.ബി. സതീഷ് എംഎല്എയും ചേര്ന്ന് സ്വീകരിച്ചു. യോഗത്തില് ചാന്സലര് അധ്യക്ഷനായി. 2025 മാര്ച്ചില് പാസാക്കേണ്ടിയിരുന്ന 373.52 കോടി രൂപയുടെ ബജറ്റ് അംഗീകരിച്ചു. ഡിഗ്രികള് അവാര്ഡ് ചെയ്യുന്നതിനും തീരുമാനിച്ചു. ഏറെ നാളുകള്ക്ക് ശേഷമാണ് സമാധാനപരമായി ബോര്ഡ് ഓഫ് ഗവണേഴ്സ് സര്വകലാശാലയില് ചേരുന്നത്.
കോണ്ഗ്രസ് അംഗം എല്ദോസ് കുന്നപ്പള്ളി എംഎല്എ ഓണ്ലൈനായും വി. ശശി നേരിട്ടും പങ്കെടുത്തു. അതേസമയം എംഎല്എമാരായ സച്ചിന് ദേവ്, ദലിമ എന്നിവര് വിട്ടുനിന്നു.
