കൊച്ചി: നെടുമ്പാശേരി വിമാനത്താവളത്തില് നിന്നും കാസര്ഗോഡ് സ്വദേശി യുവാവിനെ തട്ടിക്കൊണ്ട് പോയ കേസില് അഞ്ച് പേര് അറസ്റ്റിലായി.മട്ടാഞ്ചേരി പീടികപ്പറമ്പില് ആന്റണി നിസ്റ്റല് കോണ് (20), ഫോര്ട്ട് കൊച്ചി ചിറപ്പുറം ഒന്നാരക്കാട്ടില് ഹംദാന് ഹരീഷ് (21),പള്ളുരുത്തി രാമേശ്വരം തെക്കേ വാരിയം വിഷ്ണു വിനോദ് (21), ചുള്ളിക്കല് മലയില് ബിബിന് (26), ഫോര്ട്ട് കൊച്ചി നസ്രത്ത് മൂലന് കുഴി പുല്ലന് തറ ജോയല് ജോര്ജ് (22) എന്നിവരെയാണ് നെടുമ്പാശേരി പൊലീസ് പിടികൂടിയത്.
സ്വര്ണവുമായി ബന്ധപ്പെട്ട സാമ്പത്തിക ഇടപാടുകളാണ് സംഭവത്തിന് പിന്നിലെന്നാണ് വിവരം.ദുബായില് നിന്നെത്തിയ മുഹമ്മദ് ഷാഫിയെയാണ് തട്ടിക്കൊണ്ടു പോയത്.
സ്വര്ണം ആവശ്യപ്പെട്ട് യുവാവിനെ മര്ദ്ദിച്ച സംഘം, മൊബൈലും ബാഗും തട്ടിയെടുത്ത ശേഷം മുഹമ്മദ് ഷാഫിയെ ആലുവ പറവൂര് കവലയില് ഉപേക്ഷിക്കുകയായിരുന്നു. ദുബായ് അജ്മാനിലെ കഫറ്റീരിയയില് ഡെലിവറി ബോയിയായാണ് മുഹമ്മദ് ഷാഫി ജോലി ചെയ്യുന്നത്.
ഇന്റനാഷണല് ടെര്മിനലില് നിന്നും പ്രീ പെയ്ഡ് ടാക്സി കൗണ്ടറിലേക്ക് പോകവെ പിന്നില് നിന്നും വന്ന മൂന്ന് പേര് തോക്ക് ചൂണ്ടി ഭീഷണിപ്പെടുത്തി ബലം പ്രയോഗിച്ച് കാറില് കയറ്റി.ഒരു ലക്ഷം രൂപ വില വരുന്ന ഐ ഫോണും ഹാന്ഡ്ബാഗും സാധനങ്ങള് കൊണ്ടുവന്ന പെട്ടിയും സംഘം കൈക്കലാക്കി.
