കോഴിക്കോട്: പതിനെട്ട് വയസില് താഴെയുള്ള സര്ഗപ്രതിഭകള്ക്കായി മയില്പ്പീലി ചാരിറ്റബിള് സൊസൈറ്റി ഏര്പ്പെടുത്തിയ എന്.എന്. കക്കാട് സ്മാരക സാഹിത്യ പുരസ്കാരത്തിന് പാലക്കാട് ചിറ്റൂര് ജിവിജിഎച്ച്എസ് പ്ലസ്വണ് വിദ്യാര്ത്ഥിനി എസ്. ശ്രീയയും കോഴിക്കോട് ചേവായൂര് ഭാരതീയ വിദ്യാഭവന് പത്താംതരം വിദ്യാര്ത്ഥി സി.എസ്. ഹരികൃഷ്ണനും അര്ഹരായി. ശ്രീയയുടെ ‘കനല്’ എന്ന കഥാസമാഹാരത്തിനും ഹരികൃഷ്ണന്റെ ‘അപ്പുണ്ണിയുടെ വായനശാല’ എന്ന ബാലസാഹിത്യ കൃതിക്കുമാണ് 10,001 രൂപയും പ്രശസ്തിപത്രവും, ശില്പവും അടങ്ങുന്ന പുരസ്കാരം.
കവി എന്.എന്. കക്കാടിന്റെ ഓര്മദിനമായ ജനുവരി ആറിന് കോഴിക്കോട് കെ.പി. കേശവമേനോന് ഹാളില് നടക്കുന്ന പരിപാടിയില് പ്രശസ്ത സാഹിത്യകാരന് ശിഹാബുദ്ദീന് പൊയ്ത്തുംകടവ് പുരസ്കാരം സമ്മാനിക്കും.
