തിരുവനന്തപുരം: ദിലീപിനൊപ്പം അഭിനയിക്കുന്ന ‘ഭഭബ’ എന്ന സിനിമയുടെ പോസ്റ്റര്‍ പങ്കുവെച്ചതിന് മോഹന്‍ലാലിനെതിരെ സൈബര്‍ ആക്രമണം. ഇക്കാര്യത്തില്‍ ഭാഗ്യലക്ഷ്മിയെ മുന്നില്‍ നിര്‍ത്തി ചില ജിഹാദി വെബ്സൈറ്റുകള്‍ വന്‍ ആക്രമണമാണ് നടത്തുന്നത്.
ദിലീപിന് അനുകൂലമായ വിധി വന്ന അതേ ദിവസം തന്നെ ഈ സിനിമയുടെ പോസ്റ്റര്‍ പങ്കുവെച്ചതിനാണ് മോഹന്‍ലാലിനോട് ദേഷ്യം. ” ഒരു നിമിഷം അദ്ദേഹം ചിന്തിച്ചില്ലല്ലോ? അവന് വേണ്ടിയും പ്രാര്‍ത്ഥിക്കുന്നു അവള്‍ക്ക് വേണ്ടിയും പ്രാര്‍ത്ഥിക്കുന്നു എന്ന് പറഞ്ഞതും നമ്മള്‍ കേട്ടു. രണ്ട് മണിക്കൂര്‍ ആ കാറിനുള്ളില്‍ അനുഭവിച്ചതിനേക്കാള്‍ അപമാനം അടച്ചിട്ട കോടതിമുറിയില്‍ അതിജീവിത അനുഭവിച്ചു” -എന്നാണ് ഭാഗ്യലക്ഷ്മി.മോഹന്‍ലാലിനെ വിമര്‍ശിച്ചത്. ഇത് പങ്കുവെച്ച് നിരവധി ദിലീപ് വിരുദ്ധരാണ് സമൂഹമാധ്യമങ്ങളില്‍ ഈ കമന്‍റ് പങ്കുവെയ്‌ക്കുന്നത്.
അതിനിടയില്‍ ഭാഗ്യലക്ഷ്മി പറയാത്ത ചില കാര്യങ്ങളും ഭാഗ്യലക്ഷ്മിയുടെ പേരില്‍ പ്രചരിക്കുന്നുണ്ട്. ദിലീപിന്റെ സിനിമകളെ തിയറ്ററുകളില്‍ പരാജയപ്പെടുത്തും എന്ന് ഭാഗ്യലക്ഷ്മി പറഞ്ഞതായാണ് സമൂഹമാധ്യമങ്ങളില്‍ വ്യാപകമായി പങ്കുവെയ്‌ക്കപ്പെട്ട ഒരു പോസ്റ്റ്. വാസ്തവത്തില്‍ താന്‍ അങ്ങിനെ പറഞ്ഞില്ലെന്ന വിശദീകരണവുമായി ഇതിന് തൊട്ടുപിന്നാലെ ഭാഗ്യലക്ഷ്മി രംഗത്തുവന്നിരുന്നു. അപ്പോള്‍ ദിലീപ് അഭിനയിക്കുന്ന സിനിമകളെ തീയറ്ററുകളില്‍ തോല്‍പിക്കുക എന്ന ആരുടെ അജണ്ടയാണ് ഭാഗ്യലക്ഷ്മി പറഞ്ഞു എന്ന രീതിയില്‍ പ്രചരിപ്പിക്കുന്നത്? ആരാണ് ഇതിന് പിന്നില്‍?
അതുപോലെ ദിലീപിനെതിരെ സംസാരിച്ച അഡ്വ. ജയശങ്കറിന്റെ വീഡിയോ കണ്ടത് 11 ലക്ഷം പേരാണ്. ദിലീപ് എന്ന നടനെ തനിക്ക് അറിയാമെന്നും ഇതുപോലുള്ള പല കളികളും കളിക്കുന്ന ആളാണ് ദിലീപ് എന്നും ജയശങ്കര്‍ പറയുന്നതാണ് ഈ വീഡിയോ. സാധാരണ വീഡിയോകള്‍ക്ക് ഒന്നരക്ഷം കാഴ്ചക്കാര്‍ മാത്രം ലഭിക്കുന്ന ജയശങ്കറിന്റെ ദിലീപ് വിരുദ്ധ വീഡിയോയ്‌ക്ക് മാത്രം 11 ലക്ഷം വ്യൂസ് കിട്ടിയത് എന്തുകൊണ്ടാണ്? എറണാകുളത്തെ ഒരു ക്ഷേത്രത്തിലെ പരിപാടിയില്‍ ദിലീപ് പങ്കെടുക്കുന്നതിനെതിരെ വന്‍ സൈബര്‍ ആക്രമണമാണ് നടന്നത്. ഇത് മൂലം ദിലീപ് ഈ പരിപാടിയില്‍ പങ്കെടുക്കേണ്ടെന്ന് തീരുമാനിച്ചു. കോടതിവിധി വന്നിട്ടും ദിലീപിനെ നിലം തൊടീക്കരുതെന്ന് ദൃഢ നിശ്ചയം ചെയ്ത് പ്രവര്‍ത്തിക്കുന്നത് ആരാണ്?
