ന്യൂദല്‍ഹി: ഹമാസിന്റെ ആശയങ്ങള്‍ വിദ്യാര്‍ത്ഥികള്‍ക്കിടയില്‍ പ്രചരിപ്പിച്ച് ദല്‍ഹിയില്‍ ജാമിയ മലയാളി ഹല്‍ക എന്ന മലയാളി വിദ്യാര്‍ത്ഥികളുടെ സംഘടനയെ നിരീക്ഷിച്ച് ദല്‍ഹി പൊലീസ്. ഒക്ടോബര്‍ ഏഴിന് ഹമാസ് ഭീകരര്‍ ഇസ്രയേലിനുള്ളില്‍ കയറി 1200 ഇസ്രയേലികളെ വധിച്ച ആക്രമണത്തെ ഈ സംഘടന ന്യായീകരിക്കുന്നു.
ഇവരുടെ ഇന്‍സ്റ്റഗ്രാം പേജില്‍ ഭീകരവാദത്തെക്കുറിച്ചും ഭീകരസംഘടനകളെക്കുറിച്ചും അപകടകരമായ ഒട്ടേറെ സന്ദേശങ്ങള്‍ ഈ സംഘടനയിലെ അംഗങ്ങള്‍ പങ്കുവെയ്‌ക്കുന്നതായി ദല്‍ഹി പൊലീസ് കണ്ടെത്തി. ഹമാസ് ഇസ്രയേലില്‍ നടത്തിയ ആക്രമണം കൂടുതല്‍ രാജ്യങ്ങള്‍ അംഗീകരിച്ചതായും ഹമാസിനെ ഒരിയ്‌ക്കലും നശിപ്പിക്കാന്‍ കഴിയില്ലെന്ന് യൂറോപ്യന്‍ രാജ്യങ്ങള്‍ക്ക് ബോധ്യമായെന്നും ഉള്‍പ്പെടെ നിരവധി ആശയങ്ങളാണ് ഇവരുടെ ഇന്‍സ്റ്റ പേജില്‍ പ്രചരിപ്പിക്കപ്പെടുന്നത്.
ദല്‍ഹിയിലെ വിവിധ കോളെജുകളില്‍ പഠിക്കുന്ന മലയാളി വിദ്യാര്‍ത്ഥികളാണ് ഈ സംഘടനയില്‍ പ്രവര്‍ത്തിക്കുന്നത്. ക്യാമ്പസ് ഫ്രണ്ടിന്റെ സ്പീപ്പര്‍ സെല്‍ ആണ് ജാമിയ മലയാളി ഹല്‍ക എന്ന ആരോപണം ശക്തമാണ്.
ദല്‍ഹിയിലെ ജാമിയ മിലിയ സര്‍വ്വകലാശാലയിലും ദല്‍ഹി സര്‍വ്വകലാശാലയിലും ഇവര്‍ മുസ്ലിം തീവ്രവാദപ്രവര്‍ത്തനങ്ങള്‍ ഊര്‍ജ്ജിതമാക്കാന്‍ ശ്രമിക്കുന്നതായാണ് റിപ്പോര്‍ട്ട്. ഇതിന് മുന്‍പും ദല്‍ഹി പൊലീസ് ഈ സംഘടനയ്‌ക്കെതിരെ ആക്ഷന്‍ എടുത്തിട്ടുണ്ട്.
