തിരുവനന്തപുരം: തദ്‌ദേശ തിരഞ്ഞെടുപ്പിലെ കനത്ത തോല്‍വിയില്‍ പതിവു വാചകങ്ങളില്‍ നിരത്തി ന്യായീകരിച്ച് മുഖ്യമന്ത്രി പിണറായി വിജയന്. പതിവുപോലെ വര്‍ഗീയതയെ പഴിച്ചും തോല്‍വിയുടെ കാരണങ്ങള്‍ പഠിക്കുമെന്നു പ്രഖ്യാപിച്ചും മുഖ്യമന്ത്രി മുഖം രക്ഷപ്പെടുത്തി.
തങ്ങള്‍ പ്രതീക്ഷിച്ച ഫലമല്ല ഉണ്ടായതെന്നും മികച്ച മുന്നേറ്റം നടത്താന്‍ കഴിയാത്തതിന്റെ കാരണങ്ങള്‍ വിശദമായി പരിശോധിച്ച് തിരുത്തലുകള്‍ വരുത്തി മുന്നോട്ടുപോകുമെന്നും മുഖ്യമന്ത്രി പറഞ്ഞു. തിരുവനന്തപുരം കോര്‍പ്പറേഷനില്‍ എന്‍ഡിഎ നേടിയ വിജയം ആശങ്കപ്പെടുത്തുന്നതാണ്. വര്‍ഗീയശക്തികളുടെ തന്ത്രങ്ങളിലും പ്രചാരണങ്ങളിലും ജനങ്ങള്‍ അകപ്പെടാതിരിക്കാന്‍ ഇനിയും ശക്തമായ ജാഗ്രത പുലര്‍ത്തേണ്ടതുണ്ടെന്ന മുന്നറിയിപ്പാണ് തെരഞ്ഞെടുപ്പ് ഫലം നല്‍കുന്നതെന്ന് മുഖ്യമന്ത്രി വിശദീകരിച്ചു.
