കൊച്ചി: നടിയെ ആക്രമിച്ച കേസിലെ ഒന്നാം പ്രതി പള്‍സര്‍ സുനിയുടെ മൊബൈല്‍ ഫോണില്‍ നടിയുടെ മാത്രമല്ല മറ്റ് സ്ത്രീകളുടെ നഗ്‌നദൃശ്യങ്ങളും. ദൃശ്യങ്ങള്‍ പ്രത്യേക ഫോള്‍ഡറുകളിലാണ് സൂക്ഷിച്ചത്. ‘ഡിയര്‍’ എന്നായിരുന്നു മറ്റു സ്ത്രീകളുടെ ദൃശ്യങ്ങളുളള രഹസ്യഫോള്‍ഡറിന് പേരു നല്‍കിയിരുന്നത്. നടിയെ പീഡിപ്പിച്ച് പകര്‍ത്തിയ ദൃശ്യങ്ങള്‍ ‘മൈ’ എന്ന ഫോള്‍ഡറിലായിരുന്നു വെന്നും ഫോറന്‍സിക് റിപ്പോര്‍ട്ടില്‍ പറയുന്നു.
20ാം വയസില്‍തന്നെ സുനി കുറ്റകൃത്യങ്ങള്‍ തൊഴിലാക്കിയെന്ന് പ്രോസിക്യൂഷനും കോടതിയില്‍ വ്യക്തമാക്കി. നടി ആക്രമിക്കപ്പെട്ട കേസിനു മുന്‍പ്് ലഹരി, മോഷണം, കവര്‍ച്ച, കള്ളപ്പണം വെളുപ്പിക്കല്‍, തട്ടിക്കൊണ്ടുപോകല്‍ അടക്കമുള്ള കുറ്റകൃത്യങ്ങളില്‍ ഇയാളെ നിരവധി തവണ അറസ്റ്റ് ചെയ്തിട്ടുണ്ട്. തടവില്‍ ഇരിക്കുമ്പോള്‍ 10 തവണയോളം വന്‍ തുക മുടക്കി ജാമ്യം നേടാനുള്ള ശ്രമം നടത്തി. വലിയ തുക പ്രതിഫലം പറ്റുന്ന വക്കീല്‍മാരെയാണ് നിയോഗിച്ചത്.
