തിരുവനന്തപുരം: കാറും ബൈക്കും കൂട്ടിയിടിച്ച് വിദ്യാര്‍ഥി മരിച്ചു. നാവായിക്കുളം ചിറ്റായിക്കോട് കല്ലൂര്‍കുഴി പുത്തന്‍വീട്ടില്‍ മുരളീധരന്‍ പിള്ളയുടെ മകന്‍ ആറ്റിങ്ങല്‍ പോളിടെക്‌നിക് ഒന്നാം വര്‍ഷ ഓട്ടോമൊബൈല്‍ വിദ്യാര്‍ഥി ഗോകുല്‍ (19) ആണ് മരിച്ചത്.
വലിയകുന്ന് ആശുപത്രിക്ക് സമീപമായിരുന്നു അപകടം. ബൈക്കില്‍ ഉണ്ടായിരുന്ന സുഹൃത്ത് നാവായിക്കുളം സ്വദേശി അതുലിനും ഗുരുതരമായി പരിക്കേറ്റു. ഇയാളെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.ആറ്റിങ്ങല്‍ മൂന്ന്മുക്ക് ഭാഗത്തുനിന്നും വെഞ്ഞാറമൂട് ഭാഗത്തേക്ക് പോയ ഇവരുടെ ബൈക്ക് വളവില്‍ എതിരെ വന്ന കാറില്‍ ഇടിക്കുകയായിരുന്നു.
അപകടത്തിന് പിന്നാലെ ആശുപത്രിയിലെത്തിച്ചെങ്കിലും ഗോകുലിന്റെ ജീവന്‍ രക്ഷിക്കാനായില്ല.
സഹപാഠികളായ ഗോകുലും അതുലും കോളേജില്‍ നടന്ന ഫ്രഷേഴ്‌സ് ഡേയില്‍ പങ്കെടുത്ത് പുറത്തേക്ക് പോയ സമയമാണ് അപകടം നടന്നതെന്നാണ് അറിയുന്നത്.
