സ്വര്‍ണവിലയില്‍ വന്‍ കുതിപ്പ്; രേഖപ്പെടുത്തിയത് ഈ മാസത്തെ ഏറ്റവും വലിയ നിരക്ക്

തിരുവനന്തപുരം: കേരളത്തില്‍ സ്വര്‍ണവിലയില്‍ വന്‍ കുതിപ്പ്. ഇന്നലെ രണ്ട് തവണയായി വില കുറഞ്ഞത് വലിയ ആശ്വാസമായിരുന്നു. എന്നാല്‍ അധികം വൈകാതെ വില ഉയര്‍ന്നു. രാജ്യാന്തര വിപണിയിലും വില കുതിക്കുകയാണ്. അമേരിക്കയും ഇന്ത്യയും തമ്മിലുള്ള വ്യാപാര കരാര്‍ നിലവില്‍ വരാത്തത് വലിയ തിരിച്ചടിയാണ്.

കേരളത്തില്‍ ഈ മാസം രേഖപ്പെടുത്തുന്ന ഏറ്റവും ഉയര്‍ന്ന പവന്‍ നിരക്കാണ് ഇന്ന് രേഖപ്പെടുത്തിയിരിക്കുന്നത്. 22 കാരറ്റ് സ്വര്‍ണത്തിന് ഗ്രാമിന് 65 രൂപ വര്‍ധിച്ച് 11,970 രൂപയും പവന് 520 രൂപ വര്‍ധിച്ച് 95,760 രൂപയുമായി. 18 കാരറ്റ് സ്വര്‍ണത്തിന് ഗ്രാമിന് 55 രൂപ വര്‍ധിച്ച് 9,845 രൂപയും പവന് 78,760 രൂപയുമാണ്. 14 കാരറ്റ് സ്വര്‍ണത്തിന് ഗ്രാമിന് 40 രൂപ വര്‍ധിച്ച് 7,665 രൂപയും പവന് 61,320 രൂപയുമാണ്, ഒന്‍പത് കാരറ്റ് സ്വര്‍ണത്തിന് ഗ്രാമിന് 25 രൂപ വര്‍ധിച്ച് 4,945 രൂപയും പവന് 39,560 രൂപയുമാണ് ഇന്നത്തെ വിപണി നിരക്ക്. വെള്ളി വിലയിലും വര്‍ധിച്ചിട്ടുണ്ട്. ഗ്രാമിന് 183 രൂപയായിരുന്നു ഇന്നലത്തെ നിരക്കെങ്കില്‍ ഇന്ന് 185 രൂപയായിരിക്കുകയാണ്.

കേരളത്തില്‍ ഇന്നലെ (ഡിസംബര്‍2) രാവിലെ 22 കാരറ്റ് സ്വര്‍ണത്തിന് ഗ്രാമിന് 25 രൂപ കുറഞ്ഞ് 11,935 രൂപയിലെത്തി. പവന്‍ വില 200 രൂപ കുറഞ്ഞ് 95,480 രൂപയുമായി. കനം കുറഞ്ഞ സ്വര്‍ണാഭരണങ്ങള്‍ നിര്‍മിക്കാന്‍ ഉപയോഗിക്കുന്ന 18 കാരറ്റ് സ്വര്‍ണം ഗ്രാമിന് 20 രൂപ കുറഞ്ഞ് 9,815 രൂപയാണ്. 14 കാരറ്റ് സ്വര്‍ണം ഗ്രാമിന് 15 രൂപ കുറഞ്ഞ് 7,645 രൂപയായി. 9 കാരറ്റ് ഗ്രാമിന് 10 രൂപ കുറവില്‍ 4,935 രൂപയുമാണ് ഇന്നത്തെ വിപണി നിരക്ക്. വെള്ളിവില മാറിയില്ല; ഗ്രാമിന് 183 രൂപ.

ഇന്നലെ ഉച്ചയ്‌ക്ക് വീണ്ടും വിലയിടിവ് ഉണ്ടായി. 22 കാരറ്റ് സ്വര്‍ണത്തിന് ഗ്രാമിന് 30 രൂപ കുറഞ്ഞ് 11,905 രൂപയിലെത്തി. പവന്‍ വില 240 രൂപ കുറഞ്ഞ് 95,240 രൂപയുമായി. കനം കുറഞ്ഞ സ്വര്‍ണാഭരണങ്ങള്‍ നിര്‍മിക്കാന്‍ ഉപയോഗിക്കുന്ന 18 കാരറ്റ് സ്വര്‍ണം ഗ്രാമിന് 25 രൂപ കുറഞ്ഞ് 9,790 രൂപയാണ് പവന് 78,320 രൂപയാണ്. 14 കാരറ്റ് സ്വര്‍ണം ഗ്രാമിന് 20 രൂപ കുറഞ്ഞ് 7,625 രൂപയായി പവന് 61,000 രൂപയാണ്. 9 കാരറ്റ് ഗ്രാമിന് 15 രൂപ കുറവില്‍ 4,920 രൂപയും പവന് 39,360 രൂപയുമാണ് ഇന്നത്തെ വിപണി നിരക്ക്. വെള്ളിവില മാറിയില്ല; ഗ്രാമിന് 183 രൂപ.

കേരളത്തില്‍ ആഭരണങ്ങള്‍ നിര്‍മിക്കാന്‍ ഉപയോഗിക്കുന്ന 22 കാരറ്റ് സ്വര്‍ണത്തിന് ഒരു പവന്‍ വാങ്ങണമെങ്കില്‍ ഒരു ലക്ഷം രൂപയ്‌ക്ക് മുകളില്‍ നല്‍കണം. ഇന്നത്തെ പവന് നിരക്ക് 95,760 ആയതിനാല്‍ ആഭരണം വാങ്ങുമ്പോള്‍ പണിക്കൂലി, ജി എസ് ടി, ഹോള്‍മാര്‍ക്ക് ചാര്‍ജ് എന്നിങ്ങനെയാകുമ്പോള്‍ ചുരുങ്ങിയത് 8000 രൂപയെങ്കിലും അധികമായി നല്‍കേണ്ടി വരും. കേരളത്തിലെ കുറഞ്ഞ പണിക്കൂലി അഞ്ച് ശതമാനമാണ്. ഇതില്‍ മൂന്ന് ശതമാനം ജി എസ് ടിയും നല്‍കണം.