തിരുവനന്തപുരം: രാജ് ഭവന്റെ പേരുകള് രാജ്യവ്യാപകമായി മാറുമ്പോള് കേരളത്തിലും മാറ്റം സ്വാഭാവികം. അതിനായി വിജ്ഞാപനം ഇറങ്ങുകയും ചെയ്തു. കേരള രാജ് ഭവന് കേരള ലോക് ഭവന് എന്നല്ല മാറുക. ലോക്ഭവന് ആദ്യം വരും. കേരള, കേരളം എന്നുമാകും. ലോക്ഭവന് കേരളം എന്നാകും ഇനി ഗവര്ണറുടെ ഔദ്യോഗിക വസതി അറിയുക.
കോളോണിയല് പാരമ്പര്യത്തിന്രെ അംശമായ രാജ്ഭവനുകളുടെ പേര് മാറ്റണമെന്ന നിര്ദ്ദേശം ആദ്യം വെച്ചത് 2022 ലെ ഗവര്ണര്മാരുടെ യോഗത്തില് അന്ന് ബീഹാര് ഗവര്ണര് ആയിരുന്നു കേരള ഗവര്ണര് രാജേന്ദ്ര ആര്ലേക്കറാണ്. ആ നിര്ദ്ദേശമാണ് ചര്ച്ചകള്ക്ക് ശേഷം ആഭ്യന്തരവകുപ്പ് ഉത്തരവായി ഇറക്കിയത്.
കൊളോണിയല് മനോഭാവത്തില് നിന്ന് ജനാധിപത്യ മനോഭാവത്തിലേക്കുള്ള സുപ്രധാനമായ മാറ്റത്തിന്റ് പ്രതീകമാണിതെന്ന് രാജേന്ദ്ര വിശ്വനാഥ് അര്ലേക്കര് പറഞ്ഞു. മാറുന്ന കാലഘട്ടത്തിന് അനുസൃതമായി ഈ പുതിയ ചിന്താഗതിയെ ഉള്ക്കൊള്ളാന് തയ്യാറായ കേരള ജനതയെ അദ്ദേഹം അഭിനന്ദിച്ചു.
കാലാനുസൃതമായി, രാജ് ഭവന് പൊതുജനങ്ങള്ക്ക് കൂടുതല് പ്രാപ്യമാകുന്ന തരത്തില് നിരവധി ജനപങ്കാളിത്ത പരിപാടികള് രാജ്ഭവനില് സംഘടിപ്പിച്ചിട്ടുണ്ട്. എസ്. ഗുരുമൂര്ത്തിയുടെ ‘ഓപ്പറേഷന് സിന്ദൂര്’ വിഷയത്തിലുള്ള പ്രഭാഷണം, ഡോ. വി. അനന്ത നാഗേശ്വരന് നടത്തിയ ‘ആഗോള സാമ്പത്തിക പ്രവണതകള്: ഇന്ത്യയുടെ വെല്ലുവിളികളും സാധ്യതകളും’ എന്ന വിഷയത്തിലുള്ള പ്രഭാഷണം തുടങ്ങിയവ ഇതില് എടത്തു പറയേണ്ടതാണ്.
‘ലോക് ഭവന്’ എന്ന പേരിന്റെ യഥാര്ത്ഥ അര്ത്ഥം അന്വര്ത്ഥതമാക്കുന്ന തരത്തില് തുടര് പ്രവര്ത്തനനങ്ങള് കാഴ്ചവയ്ക്കുന്നതിനായി കേരള ജനത ഈ ഉദ്യമത്തില് ഹൃദയാത്മനാ സഹകരിക്കണമെന്നും ലോക് ഭവന്റെ മുന്നോട്ടുള്ള പ്രവര്ത്തനങ്ങളില് പൂര്ണ്ണമായി പങ്കാളികളാകണമെന്നും ഗവര്ണര് അഭ്യര്ത്ഥിച്ചു.
