കോഴിക്കോട്: കിഫ്ബിയുടെ മസാല ബോണ്ട് ഇടപാടില് മുഖ്യമന്ത്രി പിണറായി വിജയന് അടക്കമുള്ളവര്ക്കെതിരെ എന്ഫോഴ്സ്മെന്റ് ഡയറക്ടറേറ്റ് കാരണം കാണിക്കല് നോട്ടീസ് നല്കിയത് പെട്ടന്നുണ്ടായ നടപടിയല്ലെന്ന് ബിജെപി ദേശീയ നിര്വ്വാഹക സമിതി അംഗം കുമ്മനം രാജശേഖരന് മാധ്യമങ്ങളോട് പറഞ്ഞു.
ഫെമ ചട്ടലംഘനം കണ്ടെത്തിയെന്ന് ചൂണ്ടിക്കാട്ടിയാണ് ഇ ഡി അഡ്ജുഡിക്കേറ്റിങ് അതോറിറ്റി കാരണംകാണിക്കല് നോട്ടീസ് നല്കിയിരിക്കുന്നത്. കുറെ നാളുകള്ക്ക് മുമ്പ് ആരംഭിച്ച നടപടിയാണിത്. നടപടി ഇനിയും തുടര്ന്നുകൊണ്ടിരിക്കും.
കേരള ഗവണ്മെന്റിനോട് ഇ ഡി ആവശ്യപ്പെട്ടിരിക്കുന്നത് വിവരങ്ങള് കൊടുക്കാനാണ്. അത് നല്കുന്നില്ല. ഇത് ഭരണഘടനാപരമായ ലംഘനമാണ്. നിയമവിരുദ്ധമായി ഇടപാടുകള് നടന്നതുകൊണ്ടാണ് നോട്ടീസ് അയച്ചത്. തെരഞ്ഞെടുപ്പുമായി ഇതിന് ബന്ധമില്ല.മുഖ്യമന്ത്രി എന്തിനാണ് ഒളിച്ചുകളിക്കുന്നത്. സര്ക്കാര് നിരവധി കാര്യങ്ങള് ഒളിച്ചുവയ്ക്കുകയാണ്, അദ്ദേഹം പറഞ്ഞു.ഡിജിപിയുടെ മൂക്കിന് മുമ്പില് എത്തിയിട്ടും രാഹുല് മാങ്കൂട്ടത്തിലിനെ പിടിക്കാന് കഴിയാത്തത് ഒത്തുകളിയുടെ ഭാഗമാണ്. പ്രതിയായ ഒരു എംഎല്എയെ പോലും കണ്ടുപിടിക്കാന് പോലീസിന് ഇതുവരെ ആയിട്ടില്ല. രണ്ടു കൂട്ടരും ജനങ്ങളെ പറ്റിക്കുകയാണ്, അദ്ദേഹം കൂട്ടിച്ചേര്ത്തു.
