പാലക്കാട്: പുലിയിറങ്ങിയതിനെ തുടര്ന്ന് മലമ്പുഴയില് ജാഗ്രത നിര്ദേശം . മലമ്പുഴ അകത്തേത്തറ, കെട്ടേക്കാട് വനം റേഞ്ച് പരിധിയില് രാത്രി യാത്രചെയ്യുന്നവര്ക്കാണ് ജാഗ്രത നിര്ദേശം നല്കിയത്.. അനാവശ്യ യാത്രകള് ഒഴിവാക്കണമെന്നാംണ് നിര്ദേശം.
പ്രദേശത്ത് മുഴുവന് സമയ നിരീക്ഷണത്തിന് വനം വകുപ്പ് പ്രത്യേക സ്ക്വാഡിനെ നിയോഗിച്ചു. നിരീക്ഷണത്തിന് രണ്ട് സംഘങ്ങളെയാണ് നിയോഗിച്ചിട്ടുള്ളത്. മലമ്പുഴ സര്ക്കാര് സ്കൂള് പരിസരത്തും ജയില് ക്വാര്ട്ടേഴ്സിനായി ഏറ്റെടുത്ത സ്ഥലത്തും രാവിലെ സംഘം പരിശോധന നടത്തി.
പുലിയെ കണ്ടെന്നറിയിച്ച വ്യക്തിയോട് വനംവകുപ്പ് വിവരങ്ങള് തേടിപ്രദേശത്തെ സിസിടിവി ദൃശ്യങ്ങള് ശേഖരിക്കാനുള്ള ശ്രമത്തിലാണ് വനം വകുപ്പ്.ഇതിനായി പൊലീസിന്റെ സഹായം തേടി.
