സംഭാൽ ; സ്വാതന്ത്ര്യ സമര സേനാനി ഭഗത് സിംഗിനെ പലസ്തീൻ തീവ്രവാദ സംഘടനയായ ഹമാസുമായി താരതമ്യം ചെയ്ത കോൺഗ്രസ് എംപി ഇമ്രാൻ മസൂദിനെതിരെ കേസ് . ഹിന്ദു ശക്തി ദൾ ദേശീയ പ്രസിഡന്റ് സിമ്രാൻ ഗുപ്ത സിവിൽ ജഡ്ജ് സീനിയർ ഡിവിഷനിൽ ഹർജി നൽകി.
2023 ഒക്ടോബർ 7 ന് ഇസ്രായേലിനെതിരായ ആക്രമണങ്ങളെക്കുറിച്ചുള്ള ഒരു പോഡ്‌കാസ്റ്റിൽ നടന്ന ചർച്ചയ്‌ക്കിടെ, ഹമാസ് ഒരു ഭീകര സംഘടനയാണെന്ന് പറഞ്ഞതിൽ മസൂദ് പ്രകോപിതനായി, “ഭഗത് സിംഗ് ഒരു തീവ്രവാദിയാണോ?” എന്ന് ചോദിച്ചു. ഭഗത് സിംഗും ഹമാസും തമ്മിൽ താരതമ്യം ഉണ്ടോ എന്ന് മസൂദിനോട് ചോദിച്ചപ്പോൾ, മസൂദ് അതെയെന്ന് മറുപടി നൽകി, “അവർ അവരുടെ ഭൂമിക്കുവേണ്ടിയാണ് പോരാടുന്നത്. ഭഗത് സിംഗും തന്റെ ഭൂമിക്കുവേണ്ടിയാണ് പോരാടുന്നത് . ഭഗത് സിംഗ് തന്റെ ഭൂമിക്കുവേണ്ടി പരമമായ ത്യാഗം ചെയ്തു. നിങ്ങൾക്ക്, ഹമാസ് ഒരു തീവ്രവാദ സംഘടനയാണ്. ഹമാസ് അതിന്റെ സ്വാതന്ത്ര്യത്തിനുവേണ്ടിയാണ് പോരാടുന്നതെന്ന് ഞാൻ വിശ്വസിക്കുന്നു. ” എന്നും പറഞ്ഞു.
ഇത്തരമൊരു പ്രസ്താവനയിലൂടെ ഇമ്രാൻ മസൂദ് രക്തസാക്ഷികളെ അപമാനിച്ചുവെന്നാണ് സിമ്രാൻ ഗുപ്ത ഹർജിയിൽ പറയുന്നത് . കോൺഗ്രസ് പാർട്ടിക്ക് രാജ്യത്തെയും രക്തസാക്ഷികളെയും അപമാനിക്കുന്ന പ്രവണതയുണ്ടെന്നും ഇത്തരമൊരു പ്രസ്താവന നടത്തി കോൺഗ്രസ് എംപി ഇമ്രാൻ മസൂദ് രാജ്യത്തിന്റെ രക്തസാക്ഷികളെ അപമാനിച്ചുവെന്നും സിമ്രാൻ ഗുപ്ത പറഞ്ഞു
